Hopi atencion pa wega di futbol Corsou-Montserrat awe

WILLEMSTAD – Awe mainta Telecuracao a confirma cu nan ta transmiti e wega pa clasificacion entre Corsou y Montserrat pa copa Rusia 2018. Cu esaki, tur cos ta cla y no tin mas contratiempo pa e wega tan spera. Loke ta haci e wega asina popular, ta cu e ta conta cu Patrick Kluivert como entrenador/conshero, y un seleccion di hoben profesional cu tin cu representa Corsou awe nochi.

TRANSMISION

E wega mes ta programa pa tuma lugar awe nochi 8’or den estado Sentro Deportivo Corsou. E unico contratiempo tabata e decision si ta transmiti e wega aki pa henter Corsou (y Aruba) ta wordo transmiti. Inicialmente a indica cu esey no tabata posibel, pero si e siguiente wega, cu lo mester ta contra Cuba. Pero awe mainta laat, e mensahe tabata cla:” Den consulta cu accionista, UTS y FFK a dicidi cu e wega di awe lo pasa normalmente na television pa henter pueblo di Corsou”. Foto: Bea Moedt