RMR awe mainta a desaproba pa Aruba paga 5% di salario pa bek

ORANJESTAD – Conseho di minister di Reino (RMR) awe mainta a desaproba pa paga 5% bek na trahadonan di Aruba. “RMR no por bisa ‘si ‘riba e esey” ministerio di BZK a confirma pa noticiacla na nomber di Secretario di estado Van Huffelen, refiriendo na e pago bek. “Secretario di Estado a splica cu e momento aki nos no por bisa si, pasobra no a cumpli cu e palabracion haci cu RMR riba e condicionnan” a sigui bisa noticiacla. Ora cu a puntra cua condicion specifico, BZK a contesta “E LNT, osea Landsverordening Normering Topinkomen. Esey kier men cu contrario na pensamento anterior, Aruba no por revoca e 5% di pago di salario e luna aki. 

GOBIERNO DI ARUBA

Ayera caba anticipando esaki awe, gobierno di Aruba a reuni cu sindicatonan SADA, SPA, SIMAR y SEPPA pa alerta nan cu e posibilidad tey cu awe esaki por a sosode y pa e no bin como sorpresa. Ademas Parlamento a trata e asunto durante un encuentro publico