Van Huffelen: Ta un oportundidad perdi ora cu studiantenan no bolbe despues di na estudio

DEN HAAG – Ta un oportundidad perdi ora cu studiantenan no bolbe despues di na estudio na Hulanda segun secretario di estado Hulandes responsabel pa Relacionan di Reino, Alexandra van Huffelen. Hunto cu un grupo di studiantenan di islanan ABC , e secretario a analisa solucion pa mas di e studiantenan bolbe nan isla despues di a studia na Hulanda. “Mi ta mira riba e islanan cu hopi hoben ta bay studia den exterior y despues no ta regresa. Esaki ta un oportunidad perdi pa e islanan” e mandatario a bisa. 

CONECCION CU E ISLANAN

E mandatario a bisa cu ayera e la papia cu un grupo di hende ambicioso cu tin un coneccion cu e islanan tocante di nan experencia y posibel solucion. “ Nos a analisahunto con nos por soru pa hoben di e islanan aterisa bon aki na Hulanda ora cu e kier bin studia y seguidamente ki esfuerso nos por haci pa e regresa” van Huffelen a sigui bisa. E ta mustra cu ta bisto cu tin un gran necesidad pa dato y informacion. Cu dato nos por ilustra con e situacion actual ta y unda e necesidadnan ta. “ Tambe ta importante pa nos informa e habitante di e islanan hopi mas miho kico tur ta posibel y cua consecuencia diferente escoho tin. Tin asina hopi talento cu no ta haña e oportunidad cu e merece. Nos mester pensa duradero y spesialmente riba e posibilidatnan ”e mandatario a finalisa bisando.