USA TODAY: Aruba den top 5 destinacion pa biaha den luna di juli

MIAMI – E corant Mericano USA Today a cataloga Aruba den e top 5 di destinacion Mericano pa biaha pa luna di July pa vacacion. Esaki basa riba e hecho cu Aruba ta mas ‘trankilo’ y ‘menos hende’ pero yena di cos bon pa haci. Basa riba e criterianan aki, a scohe 5 destinacion, di cual Aruba ta number 4, despues di Anchorage Alaska na di prome lugar, sigui pa Park City Utah na di 3 lugar y prome cu Costa Rica, cu ta na di 5 lugar. A mustra cu zomer ta vacacion mas tanto cu mucha, unda cu tin buya y alegria y yen di diversion cu parkenan. Pero hopi no kier esey y kier netamente aleha di tur esey.  A mustra cu Aruba ta un lugar fabuloso pa hiba mucha, e ta pafo di e faha di horcan, y ta off season (menos hende) pero cu e temperature ta halto di 90 grado. “Bo lo scapa placa na hospedahe y no mester compete pa un lugar riba cualkier di e beachnan bunita di e isla” ta loke e articulo ta raporta.