Bonaire ta introduci impuesto di entrada nobo pa bishitantenan

KRALENDIJK - Tur hende cu biaha pa Boneiru y no ta biba na Boneiru mester paga un Visitor Entry Tax na yegada na Boneiru. E Visitor Entry Tax akí, o sea Boneiru su impuesto di turista, a drenta na vigor dia 1 di juli ultimo. 

Bishitantenan di 12 aña y mas chikito y habitantenan di e anterior Antia Hulandes ta paga 10 US dollarl pa bishita. Tur otro bishitante di 13 aña bai ariba tin cu paga 75 US dollar. Habitantenan di Boneiru no tin mester di paga e Visitor Entry Tax.

BIAHA CU UN CEDULA BALIDO COMO PRUEBA COMPROBABEL

Ora cu bo ta biaha pa Boneiru for di un di e islanan di e anterior Antia Hulandes (Aruba, Korsou, Sint Maarten, Sint Eustatius y Saba), bo ta paga un Visitor Entry Tax di 10 US dollar pa cada bishita na Boneiru. E ora ey bo tin cu comproba si cu un cedula balido cu bo ta biba na un di e islanan aki.

Paga tinu, copia di bo cedula no ta suficiente. Bo mester tin bo cedula oficial huntocu bo. Evita tempo di warda na aeropuerto y bai prome cu bo biaha pa Boneiru riba e website bonaireisland.com, click den e menu riba Entry Tax i registra i paga e Visitor Entry Tax prome cu bo biaha. Una bes cu bo a registra y paga, bo ta ricibi un QR-code personal via email cu cua na bo yegada solamente un kontrol tin cu tuma luga.

Por paga na yegada na aeropuerto tambe. Por hasi esaki cu diferente carchi, manera creditcard, carchi di bancomatico y e maestro-card. No por paga cu en cash. Bishitantenan cu ta yega Boneiru cu boto of yate tambe tin cu paga e Visitor Entry Tax. Bo ta desea mas informacion tocante e Visitor Entry Tax? Bai riba bonaireisland.com of manda un email na marketing@tourismbonaire.com 

Esaki ta un comunicado pa prensa di Entidad Publico Boneiru den colaboracion cu Tourism Corporation Bonaire. Potret cortesia Dick Drayer.