- Sindicatonan ta insisti! Mester paga reparatietoeslag completo fin di augustus awor!
- Hulanda mester a bolbe desmenti reapertura di frontera cu Venezuela
- Otro siman e rotonde nobo na cruzada di Elmar na Playa ta cla!
- Aruba ta cla pa e di 4 edicion di “Vow Renewal” na Eagle Beach
- Casa di Gobernador di Aruba a publica buki di receta
Corte: Guarda Nos Costa a haya razon den caso di detencion di Venezolano Chavez
ORANJESTAD - Ministerio di Husticia y Asuntonan Social y e departamento cu ta resorta bou di dje, den e caso aki, Guarda nos Costa, a actua segun ley. Asina corte a dicta diaranson mainta contra e Venezolano M. Chavez-Bohorquez. E caso a ta trata di e hoben Chavez den Corte di prome instancia unda cu Chavez ta acusa e ministerio y Guarda nos Costa, di no actua segun ley, y di a wanta e hoben sera contra ley. Pa esaki, a pidi pa suspende y alabes multa e director di Guarda nos Costa.
ASILO Y DEPORTACION
Durante e caso aki, a bin e distinction entre asilo politico (cual Chavez a pidi y a keda rechasa), y deportacion, cu ta loke cu a impone riba dje despues cu e Venezolano a perde su peticion pa asilo. Durante e caso a aclarea e punto di distincion cu tin entre “asilo” y “deportacion”, mirando cu ta dos aspecto diferente cu proceduranan completamente diferente pa loke ta trata e situacion aki.
VEREDICTO
Manera ya a splica, loke huez a dicidi ta cu e circunstancia di cual un persona ta wordo “deteni” (opgehouden), cu ta en espera di e parti di asilo mester ta diferente na e circunstancianan di un persona cu ta wordo “in bewaring gesteld”, (deteni)kende ta en espera di su deportacion. Pa e motibo aki hues a dicta cu Chavez mester a wordo laga den liberated mesora, cual a sosode tambe, pero na mes momento despues di e sucedido a pone Chavez a “in bewaring” en espera di su deportacion. Bisando esaki, awe huez den corte di ley a rechasa e peticion di Chavez , concluyendo cu e respectivo ministerio y Guarda nos Costa a actua corecto. E sentencia por cierto, no por wordo apela. Por wak e sentencia completo AKI.
Claudius Phillips ta gana caso contra Daury Rodriguez, cu tin cu rectifica awor!
ORANJESTAD – E ciudadano Daury Rodriguez tin 24 ora pa rectifica su declaracion difamatorio contra e musico Claudius Phillips, of ta haye ta paga un multa di 500 florin pa dia of parti di e dia te na un maximo di 25 mil florin. Esey tabata e sentencia cu Corte a dicta diaranson den e caso cu e musico a entama pa drecha su nomber relaciona cu un Facebook post contra dje. Den e post, Rodriguez ta tilda Phillips di ta un pedofiel, den cuadro di e hecho cu Phillips lo a wordo homenagea luna pasa como un musico di San Nicolas. Ta riba e post ey, Rodriguez a reacciona pa cual Phillips a dicidi di hibe corte finalmente. Finalmente pasobra e la duna Rodriguez chens pa rectifica caba, pero e ultimo aki a reta Phillips pa hib’e corte.
OM: Polis lo intensiva proceso ora di posesion di arma di candela illegal
ORANJESTAD - Ministerio Publico y Cuerpo Policial di Aruba ta informa cu polis lo intensiva e manera di procede ora di posesion di arma di candela ilegal den e tempo venidero y na varios sitio na nos isla. Esaki relaciona cu e aumento di e cantidad di incidente di arma di candela na Aruba.
Corte: Mester conecta coriente bek pa Reflections Beach Bar and Restaurant
ORANJESTAD – E compania Navarra Properties NV tin 48 ora pa reestablece e coneccion di coriente pa e negoshi Dontom Horeca NV miho conoci como Reflections Beach Bar and Restaurant na Surfside. Asina Corte a dicta diaranson den un setencia adelanta. Mientras cu e disputa entre e compania cu ta opera e negoshi y e compania cu ta doño di e tereno ta andando, Corte a dicta cu e e compania cu a corta e coriente algun siman atras di e restaurant, mester pone esaki bek y cu gobierno (pais Aruba cu ta doño di e tereno) mester permiti Elmar pa conecta esaki. A impone un multa tambe pa tanto gobierno como e compania cu a laga kita e coriente, si nan no cumpli cu esaki.
Hof ta impone pa kita sumanan grandi for di criminalnan di droga
PG: Tin instruccion nobo pa procedimiento penal ora di delitonan sexual
Huez ta declara dos persona liber di falsifica documento pa transporte di bara di oro
ORANJESTAD – Casi 5 aña despues cu e caso a tuma lugar, dos persona sospecha di falsificacion di documento y labamento di placa den caso di transporte di baranan di oro pa Dubai via Aruba cu a haya e nomber Alpina, a keda declara liber pa huez. Ta trata di e personanan J.C. Toro Rodriguez y R.A. Gonzalez Zambrano, cu a lucha largo pa por a presenta nan Inocencia. Segun e trahado di e compania Rodriguez, semper a trata e proceso di transportacion asina di mesun forma, y diripente e transporte di 52 barra di oro, balora na 2 miyon dollar, tabata mustra sospecho pa cual a detene e personanan aki. Huez a mustra cu no por a prueba cu e dos personanan aki a actua di forma illegal, pa cual a kita e cargonan y declara nan liber. Awor ta keda e proceso pa nan haya aceso bek na e baranan, ya cu esaki ta un otro asunto. Declara e dos personanan liber ta un cos, pero awor mester prueba cu e baranan di oro enberdad ta pertenece na nan, pa cual mester cuminsa un otro proceso dificil pa logra convence huez. Como tal huez awor no por a debolbe nan e baranan, aunke cu nan ta liber. Click AKI pa e sentencia di Zambrano y AKI pa e sentencia di Rodriguez.
Follow NoticiaCla
