Ministerio publico: E logica pakico ta anuncia ristramento delanta

ORANJESTAD – Ta parlamento di Aruba a pone den e ley pa ristra preventivo pa e.o. arma, cu mester anuncia esaki adelanta. Esaki a keda confirma pa vocero di Ministerio Publico Ann Angela na NoticiaCla.com. Asina e ta reacciona riba e cantidad di critica cu tin di comunidad cada bes cu ministerio publico anuncia esaki. E critica ta cu ‘guera canta, ta guera perdi’, y cu ta algo hopi bobo. Pero ministerio publico ta considere un ‘advertencia’ mas pa comunidad.

PASA LEY

Ora cu a pasa e ley aki, parlamento a pone como un di e garantianan, cu ministerio publico ‘mester’ publica di antemano cu ta bay tene e accionan aki. “E ta un garantia cu e legislador a pone pa ‘proteha e publico’. Ademas mester wake manera un forma pa stimula hende pa atene nan mes na ley.

CRITICA

Critica tabata hopi riba rednan social, variando di ‘polis ta bobo’ pasobra nan ta anuncia esaki, cu ta pone cu esnan cu kier haci malo, logicamente no ta bay tey presente. Y si nan bay mes, nan ta bay sin arma. E problema cu esaki ta cu hendenan ‘inocente’ ta haya nan mes ta pasa den un control sin cu nan tin algo di haber cu e caso. Di e forma aki, nan sa cu esaki ta tumando lugar.

REGLA LOGICO

Cu tur hende no ta haya e regla di e ley aki logico, ta un hecho. Cada ken tin cu determina pa nan mes kico nan ta y lo haci, y asabiendas di e anuncio, sa con nan tin cu actua. Nota.. foto di ristramento awe relaciona cu entierro di victima Webb