Bonnie a keda na bida te bira horcan di categoria 3 awor, den oceano Pacifico

MIAMI – Loke a pasa Aruba como un ola tropical suak, awe a bira e prome horcan serio di temporada, pero no pa laman Atlantico sino Pacifico. Diamars atardi, National Hurricane Center a upgrade’ Tormenta Tropical Bonnie pa un horcan categoria 3, cu biento cu forza di 185km pa ora. Di berdad Aruba ta bendiciona ya cu e mesun ‘suerte’ Aruba por tabatin, si e tormenta y awor horcan cu hopi a bagatalisa, a forma manera inicialmente tabata e intencion y pasa riba nos of cerca d nos. 

ARUBA SU SUERTE

Aruba su suerte ta cu Bonnie a bira ‘apenas’ un Ciclon Potencial #2 oost di isla Riba dia 27 di juni ultimo. Y tambe e suerte cu e ciclon a move cu un velocidad hopi rapido cu e chens minimo pa por a desaroya. Asina mes e la sigui, bira un tormenta  dia 1 di juli, y subi Nicaragua y mata por lo menos 3 persona den su pasada. E la sigui, te cruza oceano y drenta Oceano Pacifico Oost, y awor bira un horcan grandi. Pues loke a cuminsa suak, a crece poco poco, te bira algo grandi.