Wardando contesta di gobernador

ORANJESTAD - Premier Mike Eman a confirma dialuna merdia cu e no a tende nada ainda di gobernador riba e situacion di e presupuesto. "Nos ta spera cu den curso di dia cu nos por tende algo" Eman a declara na prensa. E ta compronde e situacion cu tin na hulanda aworaki unda cu atencion ta primordialmente riba e accidente aereo cu a laga centenares di hulandes morto siman pasa. "Naturalmente nos ta spera tambe cu nos por duna nos comunidad tambe e claridad necesario", confirmando tambe cu e la cuminsa traha bek atrobe despues di un siman di welga di hamber y un fin di siman di descanso riba orden medico. Pues ta keda pendiente pa un update riba e situacion actual.