Ciclon potencial #2 a bira Tormenta Tropical Bonnie awe mainta

MIAMI – Despues di un siman di anticipacion, e disturbio conoci como Ciclon Potencial #2 a bira Tormenta Tropical Bonnie. E momento cu a nota un circulacion tabata awe mainta despues di 8'or , -cu ainda National Hurricane Center tabatin'e registra como un potencial-, unda cu a localisa e tormenta 230 miya oost zuid oost di Nicaragua, cu un velocidad di 40 miya pa ora y moviendo west cu velocidad di 20 miya pa ora. E tormenta a causa hopi comocion pa islanan ABC, unda cu a prepara pa su pasada como un tormenta, pero esaki danki Dios no a materialisa y e la hala y no a haci daño particular. A pronostica si cu ta despues cu e pasa nos, cu e lo por a haya e forza necesario debi na e condicionan y ubicacion mas den laman cayente y sin estorbo di tera.