Asosacion di dokter di cas a presenta plan alternativa relaciona cu Tropical Warning pa Aruba

Asosacion di dokter di cas a presenta plan alternativa relaciona cu Tropical Warning pa Aruba

Posted on 06/29/2022 4:20 pm AST | Updated on 06/29/2022 4:22 pm AST

ORANJESTAD - Gobierno di Aruba a emiti un Tropical Storm Warning na nos isla. Esaki ta vigente desde diaranson 29 di juni atardi y segun pronostico e lo ta vigente tambe diahuebs 30 di juni. 

Pa por garantisa na un manera sigur y responsabel cu cuido primario por wordo ofreci na nos pashentnan door di nos dokternan di cas, HAVA a implementa un plan alternativo cu ta na vigor diaranson y diahuebs: 

-        Diaranson, 29 Juni 2022: te cu 12.00 pm, consultorio di nos dokternan di cas ta habri segun horario regular. 

-        Diaranson, 29 Juni 2022: despues di 12.00 pm, tur afspraak cu pashent despues di merdia ta wordo cancela te cu proximo aviso. Dokternan di cas por wordo contacta unicamente via nan linea di emergencia (linea di emergencia di bo dokter di cas ta disponibel riba https://www.havaruba.org/nl/huisartsen/) 

-        Diahuebs, 30 Juni 2022: tur afspraak cu pashent di diahuebs ta wordo cancela te cu proximo aviso. 

Keda pendiente pa mas informacion!

HAVA ta den contacto cu autoridadnan pa cu e situacion iregular aki y tan pronto nos tin un update, nos lo comunica esaki via nos medionan di comunicacion pa asina nos pashentnan ta na altura di kiko esaki ta significa pa nan. 

HAVA ta representa e interesnan comun y ta fungi como e vocero di e dokternan di cas na Aruba. HAVA, como organisacion oficial ta activo desde 1982. HAVA tin como obhetivo pa uni, fortalece y representa e dokternan di cas. Al momento esakinan ta mas cu 40 profesional y tur ta miembro di HAVA.

 Website: www.havaruba.org

Facebook: huisartsenaruba

YouTube: HAVA Aruba

  • Total Finance a inaugura su di tres sucursal den bario di Paradera

    Total Finance a inaugura su di tres sucursal den bario di Paradera

    (ADVERTORIAL)

  • DOW: Debi na awacero, rotonde Palm Beach lo keda cla completo otro siman

    DOW: Debi na awacero, rotonde Palm Beach lo keda cla completo otro siman

    PALM BEACH – Despues cu DOW a anuncia cu pa dia 23 di september 2022 e rotonde di Palm Beach lo a keda cla completamente, awor esaki ta bira dia 5 di October 2022. NoticiaCla a raporta esaki caba comienso di siman, esta cu e rotonde no a keda cla completo. Pero e motibo no tabata cla. E motibo pa e retraso tabata awacero. “ Pa motibo di awacero contratisa Arubaanse Wegenbouw Maatschappij a pidi pa pospone e fecha y diaranson dia 5 di oktober 2022 habri e rotonde completamente” DOW a bisa diabierna.

  • DVG ta introduci vacuna Bivalent como COVID Boostershot pa tur 12+

    DVG ta introduci vacuna Bivalent como COVID Boostershot pa tur 12+

    ORANJESTAD – Departamento di Salud (DVG) a informa e siman aki cu nan ta introduci vacuna Bivalent como COVID Boostershot pa tur 12+. Segun DVG, epandemia cu mas impacto a haci riba comunidad ta parce di ta tras di lomba y vacunacion sigur a hunga un rol hopi imporante den esaki. Apesar cu casonan di COVID na Aruba actualmente ta bon controla, Aruba mester keda vigila y tene cuenta cu posibel subida den casonan di COVID-19 yegando fin di aña. Esaki diferente profecionalnan ta pensa cu lo por bay pasa, pa cual motibo DVG den colaboracion cu Hulanda a dicidi pa introduci cambio den maneho y cuminsa cu preparacionnan nesesario pa reduci edad di e segundo boostershot di 60 aña pa 12 aña. Y na mes momento cuminsa cu un rond ripititivo di vacunacion pa tur 60+ pa logra e.o. proteha esnan mas vulnerabel y tambe preveni un peso grandi riba nos sistema di cuido medico y seguro di malesa. 

  • Open Doors ta bek: Conoce e cushina di McDonald’s Aruba

    Open Doors ta bek: Conoce e cushina di McDonald’s Aruba

    (ADVERTORIAL)

  • Tempo instabil den zona a genera varios hos riba laman awe

    Tempo instabil den zona a genera varios hos riba laman awe

    PALM BEACH – Diahuebs mainta, e situacion di tempo tabata di tal forma cu esaki a genera algun hos riba laman, pero bon bisto for di tera. Riba e hotel strip di Palm Beach esaki tabata bon bisto y den careda di 10'or y mei por a nota varios di e hosnan. For di varios dia caba e stuacion di tempo ta instabil cu ta pone cu e islanan ABC ta haya retonan interesante. Corsou p.e. tabatin un anochi yena cu strena cu lamper, y Aruba basta awacero varios caminda. 

  • Richard Frank (VWI) ta cuestiona varios asunto di Utilities NV den NoticiaCla LIVE

    Richard Frank (VWI) ta cuestiona varios asunto di Utilities NV den NoticiaCla LIVE

    ORANJESTAD – E presidente di e asosacion VWI (Vereniging van Werknemers met een Individuele Arbeidsovereenkomst in dienst van de Water- en Energiebedrijf Aruba (W.E.B.) N.V.), Ir. Richard Frank ta invitado den e programa NoticiaCla LIVE diahuebs anochi. Durante e programa aki, e presidente di VWI lo trata temanan manera e proceso di destaho publico riba molina di biento, credibilidad di director di Utilities NV y mucho mas. Tambe kico ta pasa si sigui cu e plan pa cumpra fuel oil for di Venezuela. No perde e programa aki sigur cu ta cuminsa pa 9’or awe nochi riba plataformanan di NoticiaCla esta Facebook, e website (check e button LIVE) y e app tambe (e button LIVE). 

  • Powered by SETAR