Polis lo ristra pa arma durante entiero di victima di asesinato

Posted on 3/25/2015, 6:14 PM AST | Updated on 3/25/2015, 6:16 PM AST

ORANJESTAD - Polis lo ristra preventivamente (preventief fouilleren) riba posesion di arma mañan diahuebs. Esaki relaciona cu entierro di victima di e asesinato cu a tuma lugar recientemente na Hooiberg. Esey Ministerio Publico y Cuerpo Policial di Aruba a informa .

AREA DI RIESGO

E area di riesgo di seguridad (veiligheidsrisicogebied) ta encera cuatro zone, esta:

Plantenrust 12-x y vecindario Madiki 71 y vecindario Santa Helenastraat, rotonde Ponton, cruzada RCA, rotonde Tanki Leendert, rotonde Paradera, cruzada Bright Bakery, rotonde Santa Cruz, cruzada Mondi Fierno y e caminda pa santana di Sabana Basora Santana di Sabana Basora.

ORA Y AREA DI E RISTRAMENTO

E ordo pa preventief fouilleren a wordo duna pa diahuebs 26 maart 2015 di 10.30’or di mainta te 10.30’or di anochi.

E area den cual por fouilleer preventivamente riba posesion di arma di candela, a wordo apunta pa fiscal, despues di autorizacion di Huez-Comisario a base di articulo 12 lid 2, 13 lid 2 en 14 lid 2 di Ley di Arma di Candela (Vuurwapenverordening). Polis tin den e area di riesgo di seguridad aki e autorizacion pa para hende y ristra nan preventivamente na nan paña, pa habri tasnan y pakinan y investiga e contenido di esakinan y pa investiga vehiculonan riba posesion ilegal di arma di candela.