NHC: Aruba y Corsou ta bou di un Tropical Storm Warning

MIAMI – Aruba y Corsou ta bou di un Tropical Storm Warning, osea un aviso di Tormenta tropical. National Hurricane Center a caba confirma cu gobiernonan di e dos respectivo islanan a emiti esaki pa 11’or di mainta. Notable ta cu a pasa Tropical Watch y bay directamente pa e warning, cu ta mas serio. E aviso ta nifica cu condicionan di un tormenta tropical ta wordo spera dentro di 36 ora pa Aruba y Corsou. 

E LOCALIDAD

E localidad awe mainta 11’or di e disturbio tabata 420 km oost di Trinidad cu forza di biento di 65 km pa ora y moviendo direccion west cu velocidad di 37 km pa ora. 

AWACERO

Segun NHC, por spera entre 3 pa 5 inch di awacero pa Aruba, Bonaire y Corsou. Y por spera forza di biento aumenta diaranson pa islanan ABC.