MIAMI - National Hurricane Center na Miami a emiti e prome boletin pa e disturbio cu ainda no a haya nomber, debi cu e wowo di e horcan no ta forma ainda. Mientrastanto a dicidi pa toch cuminsa publica e prome boletinan riba e disturbio, completo cu e prome alertanan y a yame Potencial Tropical Cyclone # 2 (PTC). E pronostico ta cu e disturbio ta pasa entre Venezuela y Aruba, mas specifico riba e parti di Paraguana. Esey kier men cu e ta pasa sur di Aruba.
E UBICACION
E ubicacion di e disturbio dialuna atardi 5’or tabata 1155km Oost di Trinidad y tin biento di forza di 65 km pa ora y ta moviendo west Noord west cu velocidad di 30 km pa ora.
ALERTA
E prome alerta ta di Trinidad cu tin un Tropical Storm Warning hunto cu Grenada. Un tropical storm warning kier men cu e condicion tey pa un tormenta tropical den e area dentro di 36 ora. “Interesnan den otro areanan manera costa norte di Venezuela y islanan ABC mester monitoria e progreso di e sistema”, National Hurricane Center a sigui bisa.
Ta spera e sistema cu por haya un nomber diamars caba, y bira Bonnie, entre diaranson anochi pa diahuebs marduga, esta islanan ABC, segun NHC.
ORANJESTAD - Diabierna 26 di april 2024 pa 7’or di mainta (ora local) a publica e edicion special di Staatscourant incluyendo un lista di e personanan na kende a otorga un Condecoracion Real e aña aki. Tradicionalmente e momento festivo aki, tambe conoci como Ocasion General, ta relaciona cu e cumpleaño di Su Mahestad, Rey Willem-Alexander, cu ta e Granmaestro di e condecoracionnan. Por otorga un condecoracion na personanan cu a duna un contribucion special na e sociedad.
ORANJESTAD - Horacio Oduber Hospital ta comparti cu comunidad di Aruba e cifranan pa loke ta luna di maart 2024. E cifranan aki banda di brinda transparencia y informacion ta duna comunidad di Aruba un indicacion di cuanto pashent Hospital ta atende mensualmente, cuanto operacion ta tuma luga, pero tambe cuanto donacion di sanger a tuma luga na Bloedbank y mas.
ORANJESTAD – Departamento di Impuesto ta su oficina principal na Camacuri lo ta cera pa publico diaranson, dia 24 di april 2024. Esaki ta debi na trabounan di mantencion necesario na e edifico. Mientrastanto Departamento di Impuesto kier sigura cu ta sigui brinda servicio na publico sin interupcion. Siguientemente ta sigui un skema di e servicionan.
ORANJESTAD – E organisacion independiente di conservacion di naturalesa conoci como Fundacion Parke Nacional Aruba (FPNA) ta usa e ocacion mundial di Dia di Mama Tera pa revela su transformacion pa Aruba Conservation Foundation (ACF). E transformacion akinan ta encera un nomber nobo, un logo, y identidad visual nobo cu ta alinea na e direccion strategico di e organisacion como un organisacion moderno di maneho di conservacion y alavez ta alinea na e necesidad actual pa conserva naturalesa di Aruba. Asina, e organisacion ta despedi di ta un organisacion tradicional di maneho di parke cu hopi a bin ta conoce pa mas cu 20 aña.