Un avion ‘Hurricane Hunter’ lo ‘inspecciona’ posibel tormenta den nos direccion

MIAMI -  E avion military Mericano tipo Hurricane Hunter, NOAA 42, di apodo ‘Kermit’, a lanta buelo di Merca diadomingo mainta direccion Barbados, unda cu lo prepara pa e mission pa vigila e tormenta di nomber 94L, dialuna merdia. Un di dos mission ta programa pa diamars mainta. E avionan aki ta specialisa pa bula den e tormenta y ta ekipa pa colecta dato necesario pa cu e tormenta. E intencion ta pa e scientificonan abordo colecta data importante pa cu e tormenta aki cu tin potencial pa bira e di dos tormenta of horcan di temporada aki, cu nomber Bonnie. E hecho aki ta mustra e seriedad di e tormenta aki, pa un avion wordo manda den dje y vigila esaki. Te cu diadomingo atardi, e chensnan pa desaroyo tabata 70%, cu impacto riba islanan Caribense di e.o. Trinidad y Barbados, birando un hecho entre diamars y diaranson.