OM: Landsrecherche investigando circumstancia di suicidio di Gario

ORANJESTAD – Actualmente Landsrecherche di Aruba ta investigando e circumstancianan bou di cual suicidio di e conocido personahe Antoni Gario por a tuma lugar. Asina vocero di Ministerio Publico Ann Angela a confirma pa noticiacla. No tabata necesario pa confisca e curpa, ya cu no tabatin ningun indicacion cu su bida a wordo kita den un crimen. Esey lo tabata e unico motibo pa confisca e curpa. Pero esey no tabata e caso. 

DIADOMINGO

Manera ta conoci diadomingo a descubri e curpa di Gario den su cel na Shaba, unda cu mesora a actua ora cu a nota cu e no tabata duna señal di bida. Algun ora despues, docter a constata su morto y a mustra cu esaki tabata un caso di suicidio. 

E CASO

Gario a keda deteni diabierna ultimo riba sospecho di a viola su propio yiu muher sexualmente ora cu e yiu tabata menor di edad. E yiu a entrega keho riba cual autoridadnan a actua. Diabierna ainda dilanti camera di e portal 24ora.com, por a tende Gario bisa cu e no a haci nada y cu e lo ta inocente. Dos dia despues, e la pone un fin na su bida