Van Huffelen: Hulanda ta warda e intercambio entre CAFt y Aruba pa despues dicidi siguiente paso

ORANJESTAD – Hulanda (lesa: RMR:red) lo warda e intercambio entre e colegio di supervision financiero CAFt y Gobierno di Aruba proximamente riba e asunto di presupuesto, y despues dicidi e siguiente paso. “CFT a duna su consehonan, y pa esaki mester un reaccion ainda di Aruba” secretario di estado Hulandes Alexandra van Huffelen a bisa noticiacla dialuna despues di e conferencia di prensa cu acerca premiernan di Aruba, Corsou y St Maarten. “Mi ta spera cu eynan Sali un bista cla. Y a base di esey, nos (lesa:RMR:red) ) lo sigui”, e mandatario a contesta. 

PREGUNTA

E pregunta tabata cu si durante e dos dianan aki, a toca e tema aki di e impasse entre e colegio y Gobierno, y cu si tabata necesario pa Hulanda ‘cay aden’ aworaki y yuda soluciona e asunto. Ta claro cu esey no ta e caso y cu Hulanda ta opta pa e proceso cana su caminda. Esey ta nifica cu pa dia 24 di e luna aki (diabierna:red) Aruba mester contesta e colegio, pa despues e colegio dicidi su siguiente paso. Mientrastanto diahuebs e colegio lo papia cara a cara cu gobierno riba e tema y ta e speransa cu lo por sali afo caba e fin di siman aki. Si esaki ta e caso, no tin necesidad pa CAFt sugeri un aanwijzing pa Aruba, debi na supuesto incumplimento di norma stipula pa e presupuesto, door di gobierno di Aruba.