Denzel Dumfries: Si bo kere den bo mes y bo sa kico bo kier tur cos ta posibel

Posted on 06/20/2022 11:02 am AST | Updated on 06/20/2022 11:03 am AST

ORANJESTAD - Diabierna 17 di juni na ocasion di apertura di Weganan Escolar 2022, WE Aruba, e futbolista profesional di e.o. seleccion nacional di futbol Hulandes, Denzel Dumfries tabata na Aruba y a hiba palabra na tur muchanan presente y desea nan exito durante e weganan escolar. 

“Mi ta hay’e sumamente fantastico pa ta aki y pa mira cuanto mucha lo participa na e weganan aki.” El a sigui bisa cu e ta un honor pa e por ta na Aruba unda cu el a biba algun tempo y unda cu semper e ta sinti’e na cas unabes cu e tey bek.

“Mi ta haye interesante pa mira tur e felisidad di muchanan y cuanto gana e muchanan tin pa participa na e weganan.” Sr. Dumfries a splica di e bunita ruta cu el a encamina pa yega na hunga pa Inter Milan y tambe pa forma parti di e team nacional di Hulanda y aworaki den preparacion pa WK na december.

 “Tur esaki mi a logra door di traha duro, kere den mi mes, confia den mi mes y semper busca retonan nobo pa mi mes. Algun dia bo ta logra y otro dianan no, pero un cos cu mi semper tabatin ta cu mi ta kere den mi mes. Si bo ta kere den bo mes, den bo mesun cualidadnan y bo sa loke bo kier, e orey tur cos ta posibel. Esey ta loke a semper pusha mi durante henter mi carera te dia di awe,” sr. Dumfries a bisa. 

Por ultimo, el a gradici un y tur cu a haci posibel pa e por tabata presente na e apertura di Weganan Escolar 2022. “Mi ta haye fantastico pa mira cuanto hende a presenta na e ocasion”. Alabes sr. Dumfries a desea tur mucha hopi exito cu e weganan y spera cu cada mucha duna e miho di nan mes, “Doe jullie best”.

  • Aruba ta cay venci e biaha aki pa Guatemala 2-1 den wega Sub20 pa mundial

    Aruba ta cay venci e biaha aki pa Guatemala 2-1 den wega Sub20 pa mundial

    TEGUCIGALPA – E seleccion di futbol di Aruba sub20 a perde otro wega internacional, e biaha aki contra Guatemala cu e score di 2-1. E wega a cuminsa cu dominio di wega pa parti di Guatemala. Asina mes Aruba tabata prome pa habri e wega cu e prome gol di Evander Nedd den e prome 14 minuut. Guatemala a reacciona lihe y despues di 4 minuut  Arquímedes Ordóñez a hinca un gol.  Den di e dos tempo Allan Juárez a skop un bala cu e portero Erasmus no por a wanta. Cu e resultado aki, Guatemala ta logra 6 punto den grupo G y ta sigura su clasificacion pa cu e octavo di final pa premundial.  

  • Aruba ta cay venci atrobe na Honduras, e biaha aki contra El Salvador

    Aruba ta cay venci atrobe na Honduras, e biaha aki contra El Salvador

    TEGUCIGALPA – Despues cu Aruba a wordo golea pa Panama algun dia prome cu score di 5-0, Aruba un biaha mas a cay venci pero e biaha aki door di El Salvador cu score di 4-1. E wega a tuma lugar diamars atardi na Honduras, unda cu e hungadornan Jonathan Esquivel, y Eduardo Rives a hinca un gol cada un y Javier Mariona a hinca 2. Pa Aruba Terrick Monsanto a hinca e unico gol. 

  • Panama ta golea Aruba 5-0 na Honduras den eliminatorio mundial Concacaf Sub20

    Panama ta golea Aruba 5-0 na Honduras den eliminatorio mundial Concacaf Sub20

    TEGUCIGALPA – E seleccion di futbol Sub20 di Panama a golea e seleccion di Aruba 5-0 den fin di siman na Honduras. Esaki ta e weganan eliminatorio di Concacaf pa e mundial Sub 20 cu ta tuma lugar na 2023 na Indonesia. E seleccion di Panama, dirigi pa e technico Venezolano Ángel Sánchez Mazana a domina e wega for di comienso. E hungador Javier Betegón a hinca e prome gol apenas 7 minuut despues di inicio di e partido, y despues 31 minuut su di dos. Kevin Garrido a hinca un di tres goal na di 42 minuut , Leonel Tejada na di 59 y Carlos Rivera a hinca e ultimo na e di 64 minuut.  

  • Futbolista professional di seleccion Hulandes Denzel Dumfries a yega Aruba

    Futbolista professional di seleccion Hulandes Denzel Dumfries a yega Aruba

    ORANJESTAD – Diaranson e futbolista professional cu laso familiar cu Aruba, Denzel Dumfries a yega Aruba pa ta na e apertura dii Weganan Escolar di diabierna awor. E la topa mesora cu e minister di deporte Endy Croes na su oficina. Apenas e siman aki ainda, e la hinca un di e dos golnan cu e seleccion nacional di Hulanda contra Polonia den e wega cu a caba 2-2. 

  • Qatar ta ofrece fanaticonan pa drumi den tent den desierto durante Copa Mundial di Futbol

    Qatar ta ofrece fanaticonan pa drumi den tent den desierto durante Copa Mundial di Futbol

    AMSTERDAM – Pa e Copa Mundial di Futbol 2022 na Qatar na November proximo, e pais anfitrion tin un escases grandi di hospedahe. Ta spera miles di centenares di persona, pero tin no tin suficiente camber di hotel. Como tal lo pone tentnan disponible den desierto unda cu por hospeda. E pais ta dispone di apenas 30 mil camber di hotel, di cual 80% ta reserva caba pa huespednan di FIFA.  E tentnan ta un regla nobo di FIFA pa percura pa suficiente espacio di drumi, pa e huespednan. Ta spera 1.2 miyon di bishitante durante e torneo di 4 siman. Esey ta nifica cu e tentnan lo no trece un consuelo pa e problema. 

  • Den Concacaf Nations League, Aruba ta cay venci contra St Kitts & Nevis 3 - 2 na Corsou

    Den Concacaf Nations League, Aruba ta cay venci contra St Kitts & Nevis 3 - 2 na Corsou

    WILLEMSTAD - Seleccion di Aruba no ta logra gana nan ultimo wega den e Concacaf Nations League unda nos ta sera cu un empate, un victoria y un derota. Nos ta perde 3 - 2 cu gol laat te den ultimo minuut. NOTA: Texto y potret cortesia 297 Sports. 

  • Powered by SETAR