- Noticiacla.com ta cumpli 8 aña di existencia awe!
- Aruba ta elimina seguro obligatorio di Covid-19 pa bishitantenan
- Parlamentario di Raiz ta co-firmante cu Accion21 di ley pa matrimonio di mesun sexo
- CAFt a confirma cu a ricibi contesta y ta analisando reaccion di gobierno di Aruba!
- Roald Lapperre ta bira Director-General Relacionnan den Reino na BZK
Conocido musico ta pone fin na su bida
ORANJESTAD - E conocido musico Antoni Gario a pone fin na su bida den fin di siman. Na e momento ey, e tabata deteni den un cel na warda di Shaba, pa sospecho di a viola su yiu muhe ora cu e yiu tabata menor di edad. Vocero di polis Liliana Rasmijn a confirma cu diadomingo pa 11:30 di mainta Polis di na Warda di Polis Noord a informa Central di Polis cu un preso lo a pone fin na su bida. Manera cu e informe a drenta Centra di Polis a despacha ambulance cu maximo urgencia pa Warda di Polis Noord.
Na yegada di personal di ambulance no por a haci nada mas pa cu e persona. Pa 1:05pm Dr. Texier a constata morto di e persona W.A.G.M.Gario (52). Gario tabata hopi conoci como musico y cantante di su banda Le Groove y su grupo di carnaval Pink 4 Life.Cuerpo di Landsrecherche Aruba tin e caso aki bao investigacion. Noticiacla y Cuerpo Policial Aruba ta manda palabranan di condolencia na e famia di e fayecido.
KPA: Pa motibo di mal tempo acercando Aruba, departamento rijbewijs ta cera
Wardacosta: No subi laman y tuma media di precaushon relaciona cu codigo oraño
ORANJESTAD – Wardacosta di Aruba diamars atardi a alerta tur usuario di lama, en especial tur propietario di botonan chikito, botonan piscado, botonan di placer, seadoo y otro deportistanan aquatico relaciona cu e hecho cu Servicio Meteorologico awe a sacka un anuncio di ‘codigo oran?o’ pa e isla di Aruba.
Polis a haci entrada hudicial na Weg Rooi Hundo y detene bendedo di droga
ORANJESTAD - En conexion cu un investigacion andando un ekipo special di polis, Project Team Drugspanden a haci entrada hudicial na un cas na Weg Rooi Hundo. Aki a detene un hende homber di inicialnan: J.O.W. naci na Aruba di 36 aña pa bendemento di droga for di e percela menciona. Durante razzia a confisca un cantidad di droga entre otro cocaina y piedra (Base). Pa Cuerpo Policial por resolve mas caso cooperacion y informacion di pueblo di Aruba ta hopi importante, pesey nan ta pidi si bo tin cualkier informacion yama nos tiplijn di Polis cu ta: 11141. Nan ta garantisa cu bo ta keda anonimo pa bendemento di droga.
Wardacosta a touw botonan den awa territorial di Aruba
ORANJESTAD – Recientemente Centro di Rescate y Cordinacion di Wardacosta a risibi un notificacion via VHF canal 16, di un boto ku tawata tin problema. E capitan a notifica ku su boto di piscado tawata tin problema y ku e no por a sigui nabega. RCC mes ora a informa steunpunt Aruba, ya asina por a sali un Metal Shark, ku a bai na localidat di e boto Mishaili.
Zr.Ms. Groningen a gara boto panort di Aruba cu 300 kilo di cocaina
KPA: Training di team di aresto a termina cu exito
MACUARIMA - Aruba un biaha mas tabata anfitrion pa un traning pisa pa recluta miembronan nobo pa e Team di Aresto. Team di Aresto ta considera un team profesional cu ta infoca riba diferente area pero un di e areanan importante ta pa pone man riba sospechoso cu ta considera peligroso. Ta pesey a yega e momento un biaha mas pa recluta mas miembro nobo pa e Team elite aki. Ta pesey comunidad di Aruba por a mira y biba diferente acontecimento riba nos pais e ultimo lunanan aki. Tur esaki tin di haber pa mira e calidad y habilidad di cada cursista cu a participa den e training aki.
Follow NoticiaCla
