Cu Quanten afo, gobierno ta sigui busca otro candidato pa opera refineria

ORANJESTAD – Gobierno di Aruba e siman aki a confirma cu e candidato principal Quanten no tin exclusividad mas pa ta un operador di e refineria di Aruba. Esaki e minister di energia Glenbert Croes a bisa durante un conferencia di prensa. Contrario na e decision pa bay pa otro posibilidad, a dicidi di habri e caminda pa otro candidato haya chens pa bira un operador. Esaki mester wordo considera e ora como e plan B y C cu prome minister Wever Croes a bisa aña pasa prome cu eleccion ora cu Quantum tabata den contienda ainda. Cu si no logra cu nan, ta pasa pa plan B, sin bisa kico esaki lo ta.  Segun Croes, tin diferente interesadonan nobo cu a expresa nan interes den e area di Refineria. E proceso aki ta andando y RDA a cuminsa cana e caminda di pre-screening di e companianan cu a expresa nan interes. Esaki ta inclui invitacion pa reunion. Pidi nan tur informacion, full disclosure di entre otro nan propuesta di Proyecto y e asina yama KYC– Know Your Client etc.

BISHITA 

Di awor pa fin di luna varios grupo lo ta biniendo Aruba pa reunion cu e comite negociador y mi persona como Minister di Energia. Durante e reunion cada grupo lo mester presenta nan plannan definitivo elabora y detaya. E proceso aki lo termina fin di Juni. Den luna di Juli e comite negociador di RDA lo haci nan evaluacion conforme e National Energy Policy y e meta di Gobierno di Aruba manera acorda pa MEP y RAIZ. Tambe lo evalua e credibilidad di cada grupo, nan capacidad y trayectoria. Lo evalua e vision di e propuesta. Y lo evalua e capacidad financiero verificabel. Pa mas tarda Augustus ta premira y desea di por yega na un decision con ta bay desaroya e zona di Refineria.

 .