Team WOW! ta sera prome fase di research cu un broche di oro

Posted on 06/13/2022 9:14 am AST | Updated on 06/13/2022 9:15 am AST

ORANJESTAD  - E flora y fauna mahestuoso di reino Hulandes den caribe tin e rol principal den un produccion unico cu e titulo WOW!. E team di produccion, consistiendo di 360º of Innovation Foundation (Bianca Peters, Elton Arends) di Aruba y M&N Media Group (Jeffrey de Graaff, Ignas van Schaick) di Amsterdam, Hulanda a caba di termina e prome fase di research cu un actividad, caminda sector creativo y comercio di Aruba tabata presente.

Den colaboracion cu Dutch Caribbean Nature Alliance (DCNA) y tambe organisacionnan di naturalesa riba cada isla, e team di produccion di WOW! a bishita tur posibel luganan tanto riba tera cu bou di awa cu lo ta interesante pa filma. Banda di esaki nan a bishita gobernantenan, scientificonan y tambe posibel partners pa asina haya un miho bista riba tur loke ta come y bebe den e naturalesa y desaroyo riba e islanan.

“Claro cu nos tabata sa caba con special e naturalesa riba e islanan ta, pero cu e bishitanan aki nos a haya un hopi miho bista di con unico e naturalesa ta riba e 6 islanan aki. Loke ta bai haci e pelicula aki mas emocionante ta e diferencia entre cada isla. Na prome instante bo lo pensa, naturalesa di e islanan ta similar, pero e realidad ta cu cada un di e islanan tin nan tesoro unico y nan partinan sumamente sorprendente” Segun Bianca Peters, co-fundadora y directora di 360º of Innovation Foundation.

Di e forma aki e produccion official di e pelicula cinematografico di flora y fauna riba tera y bao awa di Aruba, Boneiro, Corsow, Saba, Sint Eustatius y Sint Maarten a inicia. E pelicula aki lo ta riba pantaya grandi na Hulanda y riba e islanan na 2025 pa un y tur por disfruta di dje.

Bianca Peters: “Pa nos esaki ta un soño birando realidad. E pelicula aki no ta solamente bai mustra den un forma spectacular e bunitesa, diversidad y resiliencia di naturalesa riba e islanan, pero tambe e vulnerabilidad y importancia pa haya e balansa entre hende y naturalesa. E publico na tur dos banda di oceano lo ta yena cu orguyo y asombro y lo realisa con special naturalesa ta riba e islanan Hulandes den Caribe. Lastimamente e islanan no ta disfruta di un imagen positivo den noticia na Hulanda y ta p’esey cu e poder di naturalesa cu ta unifica, nos kier mehora e colaboracion entre e islanan y Hulanda. Diversidad y inclusion den e pelicula y e team di produccion ta hunga un rol sumamente importante. Nos ta, despues di tur cos, un solo reino!”.

Banda di e produccion cinematografico e team tambe lo ta trahando riba un serie di seis parti. Caminda e pelicula ta bai enfoca riba bunitesa di naturalesa di e islanan e serie lo bai concentra riba e relacion entre naturalesa y e hende riba cada isla, cu nan retonan pa e proximo añanan riba nan caminda pa un relacion duradero cu naturalesa. Pero tambe cua solucionnan a wordo crea caba. Apart di tur esaki lo desaroya diferente programa educativo y musical pa talento local.

“Mi ta sumamente orguyoso cu manera distribuidor nos por traha asina di serca den e produccion di un projecto cinematografico asina special y ta obvio cu lo usa musica di e islanan pa e soundtrack”. segun Jeffrey de Graaff coproprietario di M&N Media Group.

“Ta un honor hopi grandi pa traha un pelicula di e seis islanan di reino hulandes den caribe. Nos a realisa diferente pelicula caba cu exito mundial di naturalesa hulandes, manera De Nieuwe Wildernis y De Wilde Stad, pero esaki ta e prome biaha cu nos crusa oceano y bin graba akibanda. Colaboracion cu organisacionnan local ta extremadamente importante pa nos. Awo cu nos prome bishita di research na islanan ta tras di lomba y e tantisimo reaccionnan positivo cu nos a haya riba e iniciativa aki nos ta mas entusiasma cu nunca pa cuminsa traha”. segun Ignas van Schaick, EMS Films.

E team di produccion di WOW! ta consisti di 360º of Innovation Foundation, EMS FILMS y productor asociado AM Pictures. M&N Media Group ta responsabel pa distribucion mundial.

Grabacionnan di e pelicula lo ta tomando lugar den e proximo dos añanan y ta sper’e riba pantaya grandi na Hulanda y e islanan pa 2025.

 

  • Delta Aruba Leo Club ta cumpli su prome aniversario

    Delta Aruba Leo Club ta cumpli su prome aniversario

    ORANJESTAD - Delta Aruba Leo Club diabierna a celebra su prome aña di existencia! Nan ta un club dedica na sirbi nos comunidad cu ta den necesidad. Eclub su nificacion ta “Liderazgo, Experiencia y Oportunidad” y e meta ta bini hunto como un grupo di amigo y haci un diferencia na Aruba. 

  • Dama Husticia Arubiano a comparti entre abogado

    Dama Husticia Arubiano a comparti entre abogado

    ORANJESTAD – Durante un encuentro ameno sosteni diasabra anochi entre profesionalnan di abogacia na House of Mosaic, tabatin un presencia cu a resalta. Dama Husticia ta un escultura di 52.5 cm halto, 28.5 cm hancho y 37 cm largo elabora pa e artista local Maritza Erasmus. E tabata e pieza central di arte expone y ofreci durante e anochi y a bira un punto interesante di combersacion. 

  • Tony y Kenneth Shearman ta lansa produccion nobo estilo mariachi '100 aña'

    Tony y Kenneth Shearman ta lansa produccion nobo estilo mariachi '100 aña'

    ORANJESTAD - E rumanan Tony y Kenneth Shearman recientemente a produci un cancion estilo mariachi titula '100 aña'. Ta un idea di Kenneth cu e la presenta na su ruman Tony cu for di 1994 no a produci algo estilo mariachi mas. E la gusta e idea y nan a traha e produccion cu awor ta disponibel. Pa scucha e tema, por click AKI. 

  • Marriott Hotel na Aruba a reconoce dos trahado cu a salba bida di huesped

    Marriott Hotel na Aruba a reconoce dos trahado cu a salba bida di huesped

    PALM BEACH – E compleho di Aruba Marriott a e dos trahadonan felicita Antonio Ras – Loss Prevention Supervisor y Tisha Powell – Loss Prevention Officer, cu nan reconocimento di Sr. Bill Marriott – Presidente di Marriott International – despues di a salba bida di un huesped na maart 2022. 

  • Propietario di The Wine Room a presenta su propio marca di biña pa Aruba

    Propietario di The Wine Room a presenta su propio marca di biña pa Aruba

    ORANJESTAD – Aruba tin su propio biña cu yama E=MC2, un tribute na e 10 aña di dedicacion na e mundo di biña pa e sommelier local Monrick Croes, propietario di The Wine Room. Den cooperacion cu e compania Siete Pasas Viñedo di Chile, a mix Merlot y Cabernet Sauvignon hunto. E ta un biña ‘full body’, cu bo por warda trankil pa 10 aña y despues bebe, pues bo por ‘age’ e biña. E nomber ta referi na e prome dos nombernan di Monrick. E mix di e biña ta 60% Cabernet Sauvignon y 40% Merlot (biña cora). E ta obtenibel exclusivamente na Aruba na The Wine Room. Tur esaki den cuadro di e hecho cu e siman aki, dia 18, The Wine Room ta cumpli 10 aña di existencia.  

  • Elton Arends di 360 degrees of Innovation Foundation ta den Noticiacla LIVE awe

    Elton Arends di 360 degrees of Innovation Foundation ta den Noticiacla LIVE awe

    ORANJESTAD  - Co productor di 360 degrees of Innovation Foundation, Elton Arends, lo ta invitado di e programa Noticiacla LIVE diamars anochi 8’or. Arends ta parti di un grupo di persona ambicioso cu ta preparando pa cuminsa filmacion di un pelicula grandi di naturalesa titula WOW Nature, cu lo keda estrena pa 2025 na Hulanda y e islanan di Reino Hulandes incluyendo Aruba. E ta un tema hopi interesante, diferente, cu ta laga bo conoce varios aspecto di un produccion di un ekipo local hoben. No perde, awe nochi 8’or riba e plataformanan di Noticiacla, esta e Facebook page, website y app. 

  • Powered by SETAR