- Schlipken: Aruba ta spera 18 mil turista Brasilero den 2024
- Cantidad grandi di Dominicano bibando illegal na.Aruba a bolbe nan pais boluntariamente
- Aeroliña Mericano a reduci prijs di pasashi pa Aruba cu 50% e siman aki!
- Candela na WEB tin suministro di coriente delicado!
- Partido MAS a entrega mocion di desconfiansa contra minster Glenbert Croes
Den futbol di Concacaf Nations League, Canada tabata simplemente superior riba Corsou: 4-0
VANCOUVER - Còrsou ayera nochi na Vancouver, Canada, a hunga su di tres partido di e fase di grupo di CONCACAF Nations League. E rival tabata Canada ku a resultá di un nivel basta superior na Kòrsou i esaki a keda demostrá tantu na e manera fásil ku nan a dominá e wega komo tambe e kuater golnan ku a keda anotá.
Pa Kòrsou Gervane Kastaneer i Roly Bonevacia a start komo titular miéntras ku Leandro Bacuna a hala i bai hunga den sentral. Serka Canada e strea Alphonso Davies tabata bèk ku su selekshon.
Dilanti di su públiko, Canada a kuminsá e promé 27 minütnan ku vários oportunidat i hopi preshon riba e gol di Kòrsou. Na di 27 minüt di wega ku Alphonso Davies ta drenta área penal pero Jurien Gaari ta tumb’é i rèfri a dekretá penal. E propio Davies ta para tras di e bala pa depositá esaki den gol: 1-0.
Despues di e gol aki e preshon a keda meskos di parti di Canada i Kòrsou no por a hasi praktikamente nada pa kambia esaki. Na di 42 minüt Eloy Room no por a kontrolá un kòrner i esaki a trese oportunidat pa Steven Vitoria anotá e di dos gol pa Canada, ku a skor e wega a bai sosegá.
Den di dos tempu Kòrsou a logra su promé oportunidat . Esaki ora un kruse ta bini ku Sontje Hooi ta purba dominá pero esaki ta bai pa Rangelo Janga ku ta rematá, pero e defensa ta desviá e bala ku ta sali pa kòrner. Na di 64 minüt Juninho Bacuna ku bon pase ta haña Jurien Gaari ku na su turno, ta krusa i por poko Rangelo Janga ta pusha e bala den nèt. Na di 71 minüt despues di un pase malu di Michael Maria, Canada ta probechá i avansá kaminda Alphonso Davies ta anotá su di dos gol di e wega. Na di 85 minüt Canada ta anotá su di 4 pa asina nan gana Kòrsou ku skor di 4 pa 0. E próksimo wega pa selekshon di Kòrsou den CONCACAF Nations League lo ta den mart 2023 kontra Canada den Stadion Ergilio Hato. NOTA: E articulo ta scirbi den Papiamento fonetico di Corsou.
Na Corsou a sentencia homber Arubiano gara cu 1 kilo y mei di marihuana geplak na barica
WILLEMSTAD. – E akusado V.V. (33) nasé na Aruba su kaso a keda tratá den su ousensia. Segun akusashon dia 21 di febrüari último, el a trata na eksportá 1.535 gram di mariwana.
Cu un beca Tula, un studiante di Corsou por haci estudio di historia na Hulanda
WILLEMSTAD - Ministernan di Enseñansa Robbert Dijkgraaf (Hulanda) i Sithree van Heydoorn (Kòrsou) den presensia di minister di Edukashon di Aruba, Endy Croes a firma ayera un akuerdo pa instituí e beka Tula. Pa medio di e beka aki un studiante di Kòrsou por hasi un estudio di historia na Hulanda na nivel di “bachelor”.
Conferensia di trabou di SEA pa stimula exito den estudio di studiante Caribense
ORANJESTAD - E di dos konferensia di trabou di SEA a tuma lugá awe i ayera na Kòrsou, unda tur isla di Karibe i Hulanda a partisipá. SEA, òf Aliansa Edukashonal Stratégiko, tin komo meta primario stimulá éksito den estudio i chèns igual pa studiante karibense. Ademas, a presta atenshon tambe na e prioridatnan di e proyekto SEA.
Juan Luis Guerra y 440, Maluma y Jennifer Hudson tambe ta den CNSJ e aña aki!
WILLEMSTAD – Juan Luis Guerra y 440, Maluma y Jennifer Hudson a keda añadi na e line up pa e proximo Curacao North Sea Jazz Festival na autustus proximo. Juan Luis Guerra ta presenta riba diabierna 30 di augustus y Maluma y Jennifer Hudson riba diasabra 31 di augustus. Fuera di e cantantenan grandi aki, tin Marc Anthony tambe y Eros Ramazoti cu ta presenta tambe durante e festival aki.
Na Aruba doño di cacho Khaleesi ta cana liber, y na Corsou a detene homber cu a tira cacho mata
WILLEMSTAD – Mientras cu na Aruba, ta wardando kico Ministerio Publico ta bay haci cu e doño cu a maltrata su cacho Khaleesi, te cu e la muri, na Corsou, polis a detene un homber cu a tira un cacho mata. Tabata diadomingo pasa den e bario di Kanga, cu e homber aki di 31 aña a menasa un otro homber cu arma y maltrat’e y tira su cacho mata. E la bira fugitivo, pero finalmente diahuebs mainta 7’or polis a pone man riba dje na Suffisantweg. Despues a tene un entrada hudicial na su cas na Kanga. E homber ta deteni, pendiente e resultado di e investigacion.
Na Corsou, Anuschka Cova ta CEO nobo di CHATA
WILLEMSTAD.- Curaçao Hospitality and Tourism Association (CHATA) ta kontentu di por anunsiá nombramentu di Anuschka Cova komo CEO nobo di CHATA. Sra. Cova, tin mas ku 26 aña di eksperensia den puestonan di liderazgo, un base sólido den sektor privá, kolaborashonnan publiko-privá i bon komprondementu di e sektor di turismo.
Follow NoticiaCla
