Truck di sushi ta alcansa poste di luz y causa interupcion di coriente pa henter un bario

PIEDRA PLAT – Un biaha mas un accidente di auto na Aruba ta causa interupcion di coriente. Awe manta tabata pa 7:10am un poste di luz a keda alcansa pa un truck di sushi di Serlimar, cu consecuencia cu suminstro di coriente den vecindario di Seroe Lopez y Piedra Plat y vecindario a keda interumpi.

E tecniconan di Elmar a mobilisa pa e sitio ariba menciona pa cuminsa cu trabao di reparacion. Y for di informacion ricibi, e trabaonan di reparacion ta andando y ta premira cu den mas o menos 2 ora mas, lo por cuminsa suministra coriente bek den e area afecta.