- Noticiacla.com ta cumpli 8 aña di existencia awe!
- Aruba ta elimina seguro obligatorio di Covid-19 pa bishitantenan
- Parlamentario di Raiz ta co-firmante cu Accion21 di ley pa matrimonio di mesun sexo
- CAFt a confirma cu a ricibi contesta y ta analisando reaccion di gobierno di Aruba!
- Roald Lapperre ta bira Director-General Relacionnan den Reino na BZK
Corsou ta gana Hondura den wega di CONCACAF Nations League
SAN PEDRO SULA - Ayera nochi selekshon di Kòrsou a enfrentá selekshon den nan di dos wega di CONCACAF Nations League. Esaki despues di a pèrdè e promé wega ku skor mínimo djabièrnè den stadion Ergilio Hato. Kòrsou a kuminsá ku un 4-3-3 ayera. Kaminda tabatin 3 modifikashon di e 11 ku a kuminsá e promé djabièrnè na Kòrsou. Leandro Bacuna, Juninho Bacuna a drenta na lugá di Roly Bonevacia i Kenji Gorre. Miéntras ku Roshon van Eijma a remplasá Suently Alberto ku no a rekuperá kompletu di su leshon.
Selekshon di Kòrsou a kuminsá e wega bon ku 2 chèns di gol den e promé 10 minütnan di wega, pero no a logra konkretisá niun di nan dos. Honduras mesun kos ku djabièrnè tabata kuminsá vários di nan atakenan riba Kòrsou su banda robes di defensa.
Na di 34 minüt despues di un kòrner kòrtiku di Cuco Martina, Leandro Bacuna ta probechá di un rebote pa depositá esaki den gol i asina manda Kòrsou ariba. Esaki tabata e di dos gol di Leandro Bacuna den su karera kontra Honduras. I e promé tempu a finalisá ku Kòrsou ganá ku skor di 1 pa 0.
Honduras ta kuminsá e di dos tempu ku 4 kambio. Ku e kambionan Honduras ta sòru pa buta hopi preshon riba e defensa di Kòrsou. Na di 65 minüt di wega Honduras tabatin gritunan pa penal na momentu ku Eloy Room ta kòrta un avanse di un delantero hondureño den área penal. Rèfri a bisa no tin nada kontra e deseonan di hungadónan di Honduras. Selekshon di Kòrsou a pasa den situashonnan di hopi peliger pero a keda mantené nan gol limpi. Tabata na di 82 minüt despues di un remate violento di Leandro Bacuna, ku Vurnon Anita krusa e bala den área penal pa Anthony van den Hurk depositá esaki den gol. Na di 94 minüt Honduras ta kòrta e bentaha ku un gol. Pero Kòrsou ta gana ku skor di 2 pa 1.
Ku e viktoria aki selekshon di Kòrsou ta para awor riba Honduras riba e tabla ku tur dos selekshon faltando dos wega kontra Canada. Selekshon di Kòrsou lo ta den akshon dia 9 di yüni awor kontra Canada. NOTA: Texto ta scirbi den Papiamento fonetico di Corsou.
Awe Corsou ta conoce un aumento drastico di prijs di combustibel
WILLEMSTAD – Awe Corsou ta konosé un oumento drástiko di preis di kombustibel. Komunidat di Kòrsou ta bai paga kasi 3 florin pa liter di gasolin. Ayera, algu promé ku dia a bòltu, por a tuma nota kon drùk pòmpnan di gasolin tabata. Hopi hende a bai tènk pa por skapa sikiera e oumento pa tanki ku nan a yena.
Dama (53) yiu di Corsou ta fayece den accidente di trafico na Hulanda
WILLEMSTAD - Tabata un shòk pa tur ku konosé Sheila Van de Werp, ora ku e notisia a plama aki na Kòrsou ku Sheila a pèrdè su bida den un aksidente di tráfiko. Esaki por a opservá for di e kantidat di ekspreshonnan di lamento di parti su amigunan i konosí di “Facebook”.
Na Corsou tabatin intento di atraco riba truck carga cu combustibel di Curoil
WILLEMSTAD - Djaluna den oranan di anochi, a tuma lugá un intento di atrako riba un trùk di distribushon di kombustibel di Curoil. E shofùr atento ku a tuma nota ku un deskonosí a logra subi riba trapi di e trùk, a kue mesora direkshon pa warda di polis Rio Canario i di e forma aki a logra evitá un suseso ku por tabata tin un desenlase lamentabel.
Den futbol di Concacaf Nations League, Canada tabata simplemente superior riba Corsou: 4-0
VANCOUVER - Còrsou ayera nochi na Vancouver, Canada, a hunga su di tres partido di e fase di grupo di CONCACAF Nations League. E rival tabata Canada ku a resultá di un nivel basta superior na Kòrsou i esaki a keda demostrá tantu na e manera fásil ku nan a dominá e wega komo tambe e kuater golnan ku a keda anotá.
Velas Latinoamericana 2022 a ranka sali na Corsou
WILLEMSTAD - Ayera Velas Latinoamérica 2022 (VLAC 2022) a ranka sali 8 or di mainta ora defensa hulandes ta risibí e barku Cuauhtémoc di Mexico ku tirunan di saludo na entrada di haf di Kòrsou. Djis su tras a sigui tur e otro barkunan di bela (tallships) risibí pa kantidat di persona ku a bai para na entrada di St. Anabaai. Bon biní na nos dushi Kòrsou!
Si surgi un calamidad, Corsou lo no tin suficiente shelter
WILLEMSTAD - Si sosodé un kalamidat natural ne momentunan aki Kòrsou lo no tin sufisiente ‘shelter’ komo espasio pa akomodá hendenan ku mester a ser evakuá. Gobièrnu ta konsiente ku lo mester di konstruí mas shelter, pero meskos ku hopi otro proyekto, esaki tambe ta dependé di finansa, kual no tin muchu ne momentunan aki. Esei EXTRA por a komprondé for di deklarashon di tantu Promé Minister sr. Gilmar Pisas komo sr. Lesley Fer, ku ta e direktor di entidat nashonal pa maneho di kalamidat i krísis. T’asina ku dia 1 di yüni a temporada di orkan a inisiá ofisialmente i lo terminá na luna di novèmber 2022.
Follow NoticiaCla
