Minister ta considera conseho di CAFt riba Serlimar ‘slordig’

ORANJESTAD –“(Ta) CAFt a traha slordig. Nan a saca un advies sin haci un estudio prome” tabata e prome reaccion di minster encarga cu Serlimar, sr Ursell Arends pa noticiacla.com diaranson merdia. E mandatario riba peticion di e portal aki, a comenta riba e critica y rechaso di e colegio di supervision financiero di Aruba CAFt, cu a bin cu e exigencia pa saca e 3 miyon adicional cu a pone riba presupuesto di gobierno, como subsidio adicional pa e compania. Gobierno obviamente no a aprecia e comentario aki y a reacciona den un carta pa e colegio.

PENSAMENTO ARENDS

Segun e mandatario, por mira den nan carta (di CAFt:red) cu nan a tuma como salida e situacion na 2019, y desde cu mi ta ministro nan no a puntra mi nada over Serlimar” Arends a sigui bisa. “Nan no a percura pa busca update pero asina mes a saca advies.  Esey no ta un forma serio ni responsabel pa nan informa Rijksministerraad. Y mi a informa staatssecretaris di e asunto aki”, e mandatario a sigui comenta pa e portal aki.

PENSAMENTO ROBEZ

Den un reaccion mas oficial y extenso (cu ta den poder di e portal aki), e mandatario ta considera cu CAFt a faya den pensa cu gobierno no a duna contenido na un conseho respecto e tema, na 2019. “ E sospecho ey ta robez” e mandatario ta cuminsa n abisa. E ta haya tambe preocupante cu ta duna conseho cu consecuencia serio, basa riba speculacion. :”CAFt no a reuni cumi riba Serlimar SG, y no a haci un investigacion riba e situacion actual di e compania, y m no a mira analisis mas alue despues di nan conseho di 2019”. E mandatario ta sigui pa splica e situacion precario di e compania, indicando cu despues di dos aña den surseance van betaling, e no ta cla pa para riba propio pia. Ademas durante pandemia e compania a pasa door di momentonan dificil y cambio di minister cu tin vision y pensamento diferente riba e maneho. Segun e mandatario, durante e ultimo 8 luna, CAFt tabatin chens pa conoce e plan di maneho nobo di e compania. E suma cu nan (CAFt) ta menciona cu gobierno mester saca di presupuesto, ta 3.5 miyon y no 3 miyon manera cu CAFt ta bisa, indicando cu hasta e cifra nan no por menciona corecto. E mandatario ta sigura cu no tin risico di perdida di placa di gobierno door di duna Serlimar e suma extra aki, debi cu segun e mandatario, e maneho nobo ta sigura uno corecto. E mandatario ta mustra cu ta restructurando e compania riba 6 tereno, variando di mal maneho di RvT, director no capacita, maneho swak pa colecta placa etc. 

COPY PASTE MANEHO

E mandatario ta acusa e colegio di ta copy paste su consehonan, for di 2019 y cu e observacion haci ta incorecto. E mandatario ta sigui splica detayadamente kico tur ta pasa pa cual mester di e placa cu a keda presupuesta. 

RECONSIDERA

E mandatario ta sigui bisa cu e ta conta cu CAFt lo reevalua su conseho y e ta spera cu den futuro, papia cu ne riba e tema compleho aki, prome cu duna un conseho asina. Lesa e conseho completo AKI.