Combersacion pa formacion gobierno nobo Bonaire canando

KRALENDIJK – Partidonan politico boneriano Demokrat y MPB a reuni varios biaha den fin di siman, pa trata e formacion di proximo gobierno boneriano. Colaborado pa NoticiaCla.com for di Bonaire, Aimed Ayubi a compronde di su fuentenan cu e combersacionnan ta avansando asina bon cu lo no dura masha pa cu e formacion. “E ambiente entre e 2 grupo nan ta tremendo y tur 2 partido cu hopi gana pa traha pa saca e isla di Boneiro dilanti”, e informacion tabata bisa. Hasta nos por bisa cu mirando con bon e combersacionnan ta andando y cu pa e siman aki mes lo por tin firmamento di un cu e otro acuerdo pa MPB y PDB traha hunto pa adelanto di Boneiro.

ELECCION 

Tabata diaranson ultimo cu partido blauw di Elvis Tjin-Asjoe a gana eleccion di Bonaire pa un cantidad minimo di 29 voto (conteo di diabierna), y a haya 3 asiento, mescos cu e partidonan opositor UPB y PDB. PDB y MPB ta papiando desde diabierna caba pa por yega na otro y wak si por forma e gobierno nobo. 

Colabora articulo y foto: Aimed Ayubi.