Consulado venezolano a organisa ‘campaña’ pa protesta contra Merca

ORANJESTAD – Ciudadanonan venezolano, arubano, chilenos y Dominicanonan residencia na Aruba a acudi diasabra na protesta contra Merca, na Plaza Bolivar na Oranjestad. E tabata parti di e ‘campaña mundial’ cu e tema “Venezuela no ta un menasa, nos ta speransa”. E ta parti di un movimiento mundial, presidi pa e presidente venezolano Nicolas Maduro. Oficialmente e la haya e handle, ‘#ObamaDerogaElDecreto’ y tabata organisa pa e consulado venezolano na Aruba. Aki e consul nobo Alirio Mendoza Galue, a gradici tur esnan presente pa e muestra di apoyo expresa pa e ‘derogatoria’ di e decreto di Merca. Mes momento e la bolbe invita tur ciudadano cu ta sinti nan mes yama pa protesta, pa participa na e campaña aki