Gobernador a firma condoleance pa victimanan di buelo MH 17

ORANJESTAD - Gobernador di Aruba Freddis Refunjol, enberdad a bandona su oficina awe mainta manera cu NoticiaCla a trece den su raportahe di merdia. Motibo di esaki, segun gabinete di gobernador a informa NoticiaCla un rato pasa, ta pa firma e condoleance pa e victimanan hulandes na Ukraine cu a muri ora cu e avion di Malaysia Air a cay siman pasa. No ta conoci si despues di esey gobernador a bay su cas. Te cu merdia, no tabatin ningun informacion riba e firmamento di e presupuesto of no. NoticiaCla a haci un peticion pa informacion pero te ainda no a haya nada confirma. Loke si NoticiaCla a haya tende di su fuentenan, cu e 'intercambio' di informacion lo no ta uno publico, sino mas bien interno. Y cu posiblemente atardi lo por tin un declaracion, posiblemente por escrito.