Entrada hudicial na Meiveld relaciona cu asesinato

ORANJESTAD - Diasabra den careda di 7'or y mey di anochi, team di aresto, den compania di recherché di Oranjestad y tambe Ministerio Publico a haci un entrada hudicial na un cas na Meiveld aresta un of mas persona na e cas aki. Mesora team di aresto ta transporta e detenido of detenidonan for di e sitio, mientras recherché y fiscal a keda pa busca si por topa cu un of otro obheto cu lo por ta di importancia den e caso aki. Unidad di K9, tambe departamento tecnico di polis a haci un buskeda intenso na e cas. Nan a busca den un auto Yaris Shinishi pero no a logra haya nada. Aparentemente e entrada hudicial aki tin di haber cu e caso di asesinato di diabierna marduga. NoticiaCla.com a compronde cu muy probablemente por spera mas detencion den e oranan nos dilanti. Team grandi di recherché ta trahando riba e caso serio aki di asesinato. Mucho informacion no por wordo divulga pa motibo cu e caso aki ta bou investigacion.