ROTTERDAM - Ayera nochi 23:30 (orario di Ulanda) tabatin un kaso di asesinato na Nassauhaven den Rotterdam. Tur kos ta indiká ku ta trata di un hòmber yu’i Kòrsou. Por papia aki di un akto di likidashon si mira kon di aserka a tira e hòmber víktima ku tabatin un t-shirt blanku bistí mata.
Riba vidio ku ta bai rònt ku a keda grabá pa abitantenan di den flèt, por mira kon hopi di aserka, un hòmber tur na pretu bistí, ku kapuchon ta yega i basha bala riba e víktima kende ta kai abou mesora. Ta parse ku a tira e víktima den kabes.Algun minüt despues dje insidente, un par di kaya despues kaminda e insidente a tuma lugá, a mèldu ku tin un outo na kandela riba Feijenoordkade. No ta konosí si e outo na kandela tin relashon ku e akto di likidashon aki.Te ku ayera nochi na momentu di nos imprenta, no a detené niun hende ainda komo sospechoso di e asesinato aki.Segun e filmashon ku a bai rònt, ta manera e agresor tabata para warda e víktima pa bai subi outo, i aki a lòs bala dirigí riba dje na altura di su kabes entre otro. E hòmber a kai patras di outonan stashoná na e sitio.Despues e malechor a kore subi un outo shinishi ku tabata para ward’é. Den e relato di polis ku a sali ayera nochi no ta indiká ki koló di e outo ku tabata na kandela djis despues di e insidente i algun kaya mas aleu, ta.Segun informashon ku a yega na nos mesa di redakshon for di Ulanda, ta bisa ku dos aña pasá tambe lo a likidá un ruman hòmber di e víktima di ayera nochi tambe.Polis ta hasi yamada na tur hende ku a mira algu òf sa, i tambe si nan tin kámara ku a graba algu, pa drenta den kontakto ku polis i asina yuda resolvé e kaso aki mas lihé posibel. NOTA: E texto ta scirbi den Papiamento fonetico di Corsou.
WILLEMSTAD - Minister di enseñansa sr. Sithree van Heydoonr a manda karta pa parlamento kaminda e ta pidi un reunion di komishon sentral pa por deliberá riba periodo di kalor na skol.
WILLEMSTAD - Ultimo añanan tras di lomba a traha duru riba kòntraktnan nobo pa e unidatnan aéreo pa Wardakosta Karibe Hulandes. Meta di a sera e kòntraktnan aki ta un provedor di servisio konfiabel pa Wardakosta i unidatnan aéreo moderno, ekipá ku hèrmèntnan teknológiko ku ta yuda den ehekushon di e tareanan di Wardakosta.
WILLEMSTAD - Apesar ku asuntu di refugiado ta keda un responsabilidat outónomo di kada pais den Reino, gobièrnu Hulandes ta dispuesto pa yuda Kòrsou, Aruba i St. Maarten ku ayudo tékniko den kaso ku pidi pa esaki. Gobièrnu Hulandes ta enfatisá sinembargo ku ta importante ku ta habri diálogo ku organisashonnan no gubernamental pa optimalisá kolaborashon.
WILLEMSTAD - Diesocho instituto di enseñansa i konosementu di e parti karibense di Reino i Hulanda ta bai sigui strukturá i intensivá nan koperashon riba tereno di enseñansa, investigashon i siensia. Asina por ehèmpel nan kier bai desaroyá entre otro programanan di enseñansa konhuntamente. E kolaborashon speshal ta resultado di e mishon di konosementu den e área karibense bou di liderazgo di minister Dijkgraaf (Enseñansa, Kultura i Siensia). Djabièrnè último a klousurá esei na Kòrsou.
WILLEMSTAD - E frakshon di MFK ta hopi preokupá ku kasnan ku no tin suministro ainda di awa. P’esei nan ke un reunion públiko, kaminda ta invitá minister Ruthmilda Larmonie-Cecilia i su kolega minister Ruisandro Cijnte pa ta den sala di parlamento i asina debatí ku nan riba e tópiko aki.
WILLEMSTAD. – E akusado V.V. (33) nasé na Aruba su kaso a keda tratá den su ousensia. Segun akusashon dia 21 di febrüari último, el a trata na eksportá 1.535 gram di mariwana.