Gobierno na sindicatonan: Ta haciendo lo maximo pa para recorte salarial na juli

Gobierno na sindicatonan: Ta haciendo lo maximo pa para recorte salarial na juli

Posted on 05/19/2022 8:37 pm AST | Updated on 05/19/2022 8:39 pm AST

ORANJESTAD – Den un intento pa logra para e accion di otro siman di 5 sindicato, prome minister di Aruba Evelyn Wever diahuebs atardi a manda informa e sindicatonan cu gobierno ta ”haciendo nos maximo esfuerso pa stop e recorte den di dos mita di e aña aki, manera nos a bisa semper” e mandatario a cuminsa bisa. “Nos meta ta pa entrante juli stop e recorte mensual di 5%, y pa otro aña, aña 2023, stop e recorte di 12.6% completamente” e ta sigui bisa. E sindicatonan a informa diahuebs via un pamfleta digital, cu otro siman diamars atardi nan ta tene un marcha di protesta cu ta coicidi cu yegada di e mandatario Hulandes.  

JULI

Esey kiermen cu entrante juli e aña aki, segun e mandatario, e empleado publico por bay haya su salario completo bek, y entrante otro aña e por haya su vakantie uitkering tambe.Y sin cu mester troca esaki pa dianan liber. “Nos meta ta pa paga e 5% aki cash den man di e empleado publico”. E mandatario ta sigui bisa. Ademas e ta sigura cu otro siman durante bishita di e secretario di estado Hulandes Alexandra van Huffelen e combersacionan aki lo sigui.

  • Segun Sevinger, si e tabata minister ora caso Avestruz a cuminsa, e lo a retira

    Segun Sevinger, si e tabata minister ora caso Avestruz a cuminsa, e lo a retira

    ORANJESTAD – Si Benny Sevinger tempo cu e la wordo anuncia como sospechoso den caso penal Avestruz, tabatin e funcion di minister, e lo a retira y hala atras pa duna e investigacion su caminda di cana. Pero como cu e ta(bata) parlamentario e momento ey, e no a hacie. Asina Sevinger a contesta den e programa NoticiaCla LIVE diahuebs anochi riba pregunta di e moderador Tito Laclé. Segun Sevinger, como minister e lo por tabatin e chens di influencia e caso pero no como parlamentario. “Ora bo ta un minister, bo ta den e poder cu bo por beinvloed ministerio publico” Sevinger a sigui bisa. Segun e parlamentario, esaki ta pasobra bo colega ta minister di husticia, bo por influencia e investigacion.

  • Sevinger: Ley cu ta prohibi persona bira parlamentario pasobra e ta sospechoso, ta mina democracia

    Sevinger: Ley cu ta prohibi persona bira parlamentario pasobra e ta sospechoso, ta mina democracia

    ORANJESTAD – Si Parlamento presenta un concepto di ley cu e meta pa prohibi un Parlamentario di ta den funcion ora cu e keda marca como sospechoso di un investigacion, Benny Sevinger como parlamentario lo vota contra. Asina e parlamentario a bisa diahuebs anochi durante e programa NoticiaCla LIVE. Segun Sevinger, un echo asina ta impedi democracia di e forma ey. E kier men cu pueblo ta eligi e parlamentario ken su representante ta. Di otro banda, otro cos ta si bo ta minister y mester pasa screening. Pero den Parlamento ta pueblo ta dicidi ken ta su representante. “Na momento cu bo cuminsa na torno na e decision di pueblo, bo a cuminsa torno na bo democracia” Sevinger a sigui bisa. “Si bo no kier pa un parlamentario cu ta sospechoso of a crea duda, cu droga of arma, wordo eligi, e partido mester percura pa e no ta riba lista e ora ey. E partido mester screen e candidatonan ey” Sevinger a bisa. Ademas, e ta sugeri cu si e persona no tin partido mes y e bay eleccion como independiente y haya voto, e por drenta Parlamento. 

  • Hospital Horacio Oduber y IMSAN a firma acuerdo formal di cooperacion

    Hospital Horacio Oduber y IMSAN a firma acuerdo formal di cooperacion

    ORANJESTAD – Diahuebs den oranan di mainta a firma un acuerdo di cooperacion (MOU) entre Ministerio di Turismo y Salud Publico, HOH, ImSan y AZV. Minister Oduber a señala cu ta pa prome biaha den historia e instituto di HOH y ImSan ta bay traha hunto intensivamente.

  • Arends: Entrante awe si tarifa di autobus a subi cu 1 florin y por cobra pa esaki!

    Arends: Entrante awe si tarifa di autobus a subi cu 1 florin y por cobra pa esaki!

    ORANJESTAD – Un siman despues cu a alerta y adverti chauffeurnan di autobus y comunidad di e situacion di aumento di cobransa di tarifa, awe 8 di december 2022 si a hisa e prijs di autobus cu 1 florin pa asina keda riba liña cu subida di salario minimo. Siman pasa, legalmente ainda no tabata cla pa chauffeurnan cuminsa cobra e aumento for di dia 1 di December. E momento ey e mandatario encarga a adverti y alerta cu esnan cu ta cobra e aumento toch, lo haya problema cu nan permiso. Awe pues, si por a cuminsa cobra e suma extra.

  • Premier Wever-Croes: Lo trata ley fiscal (e.o. BBO) prome cu fin di aña ainda!

    Premier  Wever-Croes: Lo trata ley fiscal (e.o. BBO) prome cu fin di aña ainda!

    ORANJESTAD - E ley tan comenta cu ta encera e plan di belasting y cu mester adapta e aumento di BBO, a yega Parlamento y lo wordo trata prome cu fin di aña, pa asina tin un cambio fiscal cu ta drenta na vigor 1 di januari. Asina premier Wever Croes a bisa e siman aki. Gremionan ainda tin probleman cu e ley aki pa mas bien su falta di informacion cu tin, y e tempo cortico cu tin pa cu su introduccion, no obstante cu gobierno a sigura cu e ley a inclui ‘proposicionan di gremionan’.  Gobierno ta pensa diferente. De echo, aworaki a pidi departamento di impuesto pa cuminsa cu campañanan di informacion hopi mas intensivo comunidad ta informa tocante tur locual tin den e plan fiscal, cual ta inclui proposicionnan di gremionan.

  • Departamento di Aviacion Civil a lansa su "Safety Occurrence Reporting” portal

    Departamento di Aviacion Civil a lansa su

    ORANJESTAD - En conexion cu Dia Internacional di Aviacion Civil, 7 di december, y pa promove un cultura y conocemento di siguridad den e industria di aviacion na Aruba, Minister di Transporte, Sr. Ursell Arends hunto cu e Departamento di Aviacion Civil di Aruba (DCA), a introduci Aruba su online “Safety Occurrence Reporting” portal.

  • Powered by SETAR