Van Huffelen ta bishita Aruba fin di luna awor

DEN HAAG - Secretario di Estado Alexandra van Huffelen di Relashonnan den Reino, manera cu e portal aki a informa algun tempo atras como primicia, ta bishita Aruba fin di e luna aki, den e siman di dia 23 pa 27 di mei. Esey a keda confirma diamars mainta pa departamento di informacion di Reino. Durante e bishita aki, e lo toca Corsou y St Maarten tambe. E biaha aki e meta ta pa e topa cu habitante-, negoshante-, voluntario- y organisacionnan social pa scucha nan preocupacion- ysoñonan.

E Secretario di Estado ta masha entusiasma pa biaha pa e islanan y ta expresa: “Apesar cu naturalmente mi lo topa cu mandatarionan durante e biahe aki, mi enfoke lo ta mas riba cera conosi cu e habitantenan di e islanan. Como mandatario nos tey pa e hendenan y no contrali. Esei ta nifica concretamente cu mi no kier combersa solamente cu politico. Mi kier cera conoci cu e habitantenan yorganisacionnan social personalmente pa scucha kico nan soñonan ta y tambe kico nan preocupacionnan ta.”

Na Aruba e Secretario di Estado entre otro lo combersa cu diferente persona na e ‘Women Leadership Seminar’. Esaki lo ta e di dos biaha cu Secretario di Estado Van Huffelen ta bishita e parti aki di Reino desde comienso di su termino.