- KVK: Mayoria compania ta pensa cu e scarsedad di trahado lo empeora
- HOH: Ocupacion di cama poco poco ta bek na normalidad na hospital
- Video: Ryçond Santos do Nascimento ta considera su entrada den AVP como un eror
- Mas turista Colombiano ta biahando pa Corsou envez di Aruba den 2024
- Minister a anuncia mando nobo temporal na Cuerpo di bombero
Na Corsou, penshonado a malversa mas di 300 mil di fondo di ALM
WILLEMSTAD - Korte di promé instansia ayera a trata un kaso di malversashon basta lamentabel. Ta trata di e akusado E.M.di 74 aña ku a presentá den sala di korte pa responsabilisá su mes pa su akto. E.M. ta keda akusá ku den e periodo di 1 di yanüari 2010 te ku desèmber 2017, a malversá 329 mil florin for di e montante di 956.0625 florin. Ta trata aki di plaka di fondo di penshun di e kompania di aviashon ALM.
E akusado tabatin un funshon haltu den e empresa i a traha 33 aña pa e kompania. E tabata un di e miembronan di direktiva di e fondo di penshun di e kompania. E fondo di penshun tabata tin un reserva di 4.7 mion florin ku mester a keda repartí bou di e miembronan.
Despues di un investigashon a resultá ku 1 mion florin di e fondo a disparsé. Durante interogashon a sali na kla ku e akusado i un otro miembro di e direktiva, un hende muhé di fam D, a saka e sèn for di Banco Caribe i tambe Banko Maduro. Ámbos tabatin e poder pa firma pa saka sèn, despues ku un otro miembro di fam Ch a L. a bula bai Hulanda pa un periodo largu.
Na momento di repartishon e muhé di fam D. a kue na total 627 mil florin i e akusado E.M. a kue un total di 329 mil florin.
E motibu ku hustisia no a persiguí e akusado muhé di fam D., ta paso el a firma un “schuldbetekenis” ora e malversashon a sali na kla. E akusado E.M. no kier a firma, pa motibu ku e tabatin bèrgwensa pa su famia haña sa. El a bisa ku e lo paga pero te ainda esei no a sosodé, segun wes.
Na polis e akusado a bisa ku a kulp’e di a kue mas sèn, pero esei no ta bèrdat. Segun e akusado, el a konta e loke nan el a kue i a yega mas o ménos den direkshon di e 300 mil florin, pero no mas ku esei i ta para responsabel solamente pa e esei. El a akseptá ku el a faya.
Wes a bisa ku pa motibu ku e akusado a hasi e kosnan ei, parti di e plaka ku a keda reservá pa e personanan di fondo di penshon, no tei mas. Esei ta nifiká ki e akusado a perhudiká miembronan di Pensioen Fonds di ALM.
Wes a bisa mas aleu ku e famia di e akusado, ta preokupá ku e problema di alkohòl ku e akusado tin. Esei tabata un di e motibunan ku e tabata malversá e plaka pa 7 aña largu. Segun wes, e akusado ku su yunan ta preokupá p’e i kuid’e i e ta kere ku awor a yega tempu pa e stòp ku alkohòl.
Wes a duna di konosé ku na diferente okashon e akusado tabata den kontakto ku FMA.
A papia ku un sikólogo i sikiater i ámbos a bisa ku e mener ta responsabel pa su aktonan. Wes a bis’e ku fo’i dje temporada ku e kos a sosodé, e no a mira ku el a kuminsá paga nada di sèn bek. NOTA: E texto ta scirbi den Papiamento fonetico di Corsou.
Gobierno na Corsou kier solucion pa situacion di calor no perhudica muchanan na scol proximamente
WILLEMSTAD - Minister di enseñansa sr. Sithree van Heydoonr a manda karta pa parlamento kaminda e ta pidi un reunion di komishon sentral pa por deliberá riba periodo di kalor na skol.
Helicopter y avionnan nobo di Wardacosta Caribe Hulandes ta operacional
WILLEMSTAD - Ultimo añanan tras di lomba a traha duru riba kòntraktnan nobo pa e unidatnan aéreo pa Wardakosta Karibe Hulandes. Meta di a sera e kòntraktnan aki ta un provedor di servisio konfiabel pa Wardakosta i unidatnan aéreo moderno, ekipá ku hèrmèntnan teknológiko ku ta yuda den ehekushon di e tareanan di Wardakosta.
Hulanda dispuesto pa yuda paisnan den Caribe cu asunto di refugiadonan
WILLEMSTAD - Apesar ku asuntu di refugiado ta keda un responsabilidat outónomo di kada pais den Reino, gobièrnu Hulandes ta dispuesto pa yuda Kòrsou, Aruba i St. Maarten ku ayudo tékniko den kaso ku pidi pa esaki. Gobièrnu Hulandes ta enfatisá sinembargo ku ta importante ku ta habri diálogo ku organisashonnan no gubernamental pa optimalisá kolaborashon.
Cooperacion mas estrecho entre e parti Caribense di Reino y Hulanda riba tereno di enseñansa i investigacion
WILLEMSTAD - Diesocho instituto di enseñansa i konosementu di e parti karibense di Reino i Hulanda ta bai sigui strukturá i intensivá nan koperashon riba tereno di enseñansa, investigashon i siensia. Asina por ehèmpel nan kier bai desaroyá entre otro programanan di enseñansa konhuntamente. E kolaborashon speshal ta resultado di e mishon di konosementu den e área karibense bou di liderazgo di minister Dijkgraaf (Enseñansa, Kultura i Siensia). Djabièrnè último a klousurá esei na Kòrsou.
Na Corsou tin 4300 cas di famia sin suministro di awa
WILLEMSTAD - E frakshon di MFK ta hopi preokupá ku kasnan ku no tin suministro ainda di awa. P’esei nan ke un reunion públiko, kaminda ta invitá minister Ruthmilda Larmonie-Cecilia i su kolega minister Ruisandro Cijnte pa ta den sala di parlamento i asina debatí ku nan riba e tópiko aki.
Na Corsou a sentencia homber Arubiano gara cu 1 kilo y mei di marihuana geplak na barica
WILLEMSTAD. – E akusado V.V. (33) nasé na Aruba su kaso a keda tratá den su ousensia. Segun akusashon dia 21 di febrüari último, el a trata na eksportá 1.535 gram di mariwana.
Follow NoticiaCla
