Aruba y Corsou propaganda entre e 8 islanan mas barata di Caribe pa bishita

ORANJESTAD – Aruba y Corsou ta propaganda e 8 islanan mas barata den Caribe pa bishita, segun e portal the travel.com. Hunto cu Aruba (6) y Corsou (2), tin Puerto Rico (8), Negril (7)(Jamaica), Puerto Plata (5) (Republica Dominicana), St Kitts(4) (& Nevis), Bahamas (3)y Saint Lucia (na prome lugar). Ta menciona e playanan blanco y biento dushi, y cu planeamento corecto, e ta entre e destinacionan mas miho pa explora riba un presupuesto (barata). E propaganda aki por wordo interpreta den dos manera, unda cu ta mustra cu Aruba y Corsou ta alcansabel pa e turista y por ‘afford’ esaki, cu ta pone cu mas hende por bishita e islanan, pero e por mustra tambe cu e producto ta uno ‘barata’, y por atrae e turistanan di menos recurso, cu no tur ora ta algo cu Aruba realmente kier, mirando cu ta propaganda Aruba como un destinacion cu ta prefera turista di calidad riba cantidad. Di otro banda, e realidad ta cu Aruba no ta un destinacion barata, pues e persona cu kier biaha pa Aruba, lo experencia esaki mesora ora cu e cuminsa investiga y mira e gastonan na Aruba y cu rapidamente lo compronde cu Aruba den e caso aki, no ta e isla di mas barata. E portal thetravel.com ta publica esaki den nan ultimo edicion. Pa e edicion click AKI. NOTA: Potret ta archivo di noticiacla di un grupo di turista cu a yega Aruba, pero no necesariamente tin relacion cu e tema di e articulo aki pero ta usa como puro ilustracion di turistanan yegando Aruba.