Homber haya morto na Hooiberg posibel caso di asesinato

ORANJESTAD – Un homber haya sin bida awe marduga den un auto na altura di Hooiberg, a wordo identifica como Lyandro W (23), y ta investigando e causa exacto di morto. No ta descarta cu por ta trata di un caso di asesinato, mirando e situacion den cual a haya e persona aki. A haya e persona aki despues di mei anochi na sanger y e no tabata dunando señal di bida.

SITUACION

A haya e persona den un yaris blanco y mesora a cuminsa haci investigacion pa saca afo kico exacto a tuma lugar. Tin indicacion cu ta trata di un ‘reglamento di cuenta’ for di algo cu a sosode for di periodo di carnaval recien. E persona aki lo a intenta di tire mata caba e tempo ey pero no a logra. E biaha aki aparentemente e situacion tabata diferente. Den curso di dia ta spera di tin mas informacion riba e caso aki.