Na Corsou, e gang NLS kier a pomp 1 miyon florin den politic ana 2016 pa haya poder riba husticia

Posted on 05/12/2022 11:15 am AST | Updated on 05/12/2022 11:16 am AST

WILLEMSTAD - E caso Themis a sigui ayera den korte di promé instansia na Corsou ku e último parti di e tratamentu. Tabata e parti por sierto ku a hala basta atenshon kaminda nòmber di polítikonan a keda menshoná den e kaso Themis, manera Pik, Zita, Emely, Davelaar, Braam (Dok) i Dick. E kabesantenan di e organisashon kriminal tabata na altura ku tantu Emely komo Zita tin hipotek i kier a buska manera pa aserka nan i kumpra nan.

Un di e dosié-nan den e kaso a titulá Organisashon Kriminal.

Wes a mustra riba e intenshon di e gang No Limit Soldiers (NLS) pa purba yega na poder polítiko kaminda e intenshon tabata pa nan hinka 1 mion florin den kampaña polítiko, pa por yega na poder enpartikular di e kartera di hustisia.

Den un di e kombersashonnan via telefònnan PGP e sospechoso S. Tyson Quant, sera aktualmente na Dubai i konsiderá komo un di e kabesantenan di NLS tabata papia ku un sierto persona Lucky Luciano, tokante diferente polítiko i plaka ku mester hinka den elekshon di 2016. E ‘zaaksdossier’ aki no ta bisa si, ku loke a keda bisa dje polítikonan ta bèrdat òf no, pero OM a hinka e parti aki aki den e dosié prinsipal, pa duna un indikashon ku NLS tabatin aspirashon polítiko.

Na final di 2015 Quant a papia ku algun persona, entre otro e tal Lucky Luciano bisando losiguiente; ‘bondia sangre, konta. Dok a bisa ku Pik a daña e strategia, paso Zita a kambia. MFK, PAR, PAIS, Nashonal tambe a bin dilanti durante e kombersashon.

Dado momentu Quant i un dje personanan ta papia di Pik; ‘Si Pik ke pensa ko’i kèns, nos ta bai ku Davelaar’. Riba esaki Quant ta bisa; ‘Davelaar ta hopi bon”. Pero e hende ta bisa Quant ku Davelaar ta bon si pero Nashonal ta muriendo i mester kore un bon kampaña.

Wes ta sigui menshoná for di e dosie ku Quant a bisa alabes ku ta plaka ta papia i ku un mion nan lo gana elekshon sigur. Den e kombersashonnan den e dosie tin tambe kaminda Quant ta bisa ku “Dok ta m…., paso e el a pidi Dick sinta. E ke ekonomia i awo e ta bisa bai wak Pais. Dok no a bin dilanti pa nada. Ma kab’e papia ku Dick den Saliña awor ei. Nos mester di papel (plaka, segun OM) pa hinka den e siguiente elekshon”. E mesun hende ei ta sigui bisa Quant ku Boss tin kontrol over di Dick. Quant sinembargo den e kombersashon for di e dosié ta bisa ‘Boss tin Dick sigur, paso Dok ta suak suak”.

Despues nan ta sigui papia di PAR. E hende ta bisa Quant; ‘si sangre Par ta fuerte, paso hopi hende a kita for di PAIS bai Par. Dok no tin e poder ei, Dick si. Paso ta e a bai reunion di PAIS. Boss no tabat’ei, pero Dick a papia ku mi. Pero nos mester di plaka pa pòmp”.

Despues e kombersashon ta sigui; ‘ban gana bon sèn, Dick ta bon. Boss ta gana nan. Plaka ta papia”. Riba esaki Quant ta hari i bisa ‘bon Si nos pòmp anto nan gana, Hustisia lo gana atrobe, kere mi. Hopi hende ta ku Par”. NOTA: E texto ta scirbi den Papiamento fonetico di Corsou.

E ferry entre Venezuela y Corsou ta cuminsa opera fin di 2024
CARACAS – E plannan pa activa e ruta di ferry entre La Vela de Coro y isla di Corsou, ta sigui, pero tin un retraso temporal den su ehecucion. Asina e representante di e empresa Caribbean Fast Ferry, Iliana Martínez, a declara diahuebs na e portal El Nuevo Dia. E empresa a cuminsa cu e construccion di e waf y terminal na e zona franca di Corsou, pero un restructuracion di e empresa Hulandes a alarga e culminacion di e trabou. No obstante esey, ta premira cu pa e di tres of cuater trimester di e aña, ta inaugural e ferry. Martínez a splica cu e disposicion di e waf na e boca di Santa Ana a keda estableci pa probecha e bentaha di e mercado y cu ambos pais lo beneficia. E intencion ta pa compete cu e prijsnan di Panama. A splica cu ora cu caba completa e prome fase, cu ta construccion di e haf, lo sigui e proceso di permisonan necesario. E di tres fase lo ta pa eleva Parlamento di Corsou pa e apertura di mobilisacion di e pasaheronan. Ta premira cu e intencion ta pa e ferry transporta 86 pasahero. E intencion di e prome fase ta pa transporta solamente pawsahero, sin auto, pa despues tambe inclui auto. E intencion ta pa permiti turistanan Hulandes, cu ta bin pa temporada largo, pa duna nan e posibilidad pa bishita Venezuela asina tambe.
Mas Corsow
Lesa Mas
Gobierno na Corsou kier solucion pa situacion di calor no perhudica muchanan na scol proximamente
WILLEMSTAD - Minister di enseñansa sr. Sithree van Heydoonr a manda karta pa parlamento kaminda e ta pidi un reunion di komishon sentral pa por deliberá riba periodo di kalor na skol.
Mas Corsow
Lesa Mas
Helicopter y avionnan nobo di Wardacosta Caribe Hulandes ta operacional
WILLEMSTAD - Ultimo añanan tras di lomba a traha duru riba kòntraktnan nobo pa e unidatnan aéreo pa Wardakosta Karibe Hulandes. Meta di a sera e kòntraktnan aki ta un provedor di servisio konfiabel pa Wardakosta i unidatnan aéreo moderno, ekipá ku hèrmèntnan teknológiko ku ta yuda den ehekushon di e tareanan di Wardakosta.
Mas Corsow
Lesa Mas
Hulanda dispuesto pa yuda paisnan den Caribe cu asunto di refugiadonan
WILLEMSTAD - Apesar ku asuntu di refugiado ta keda un responsabilidat outónomo di kada pais den Reino, gobièrnu Hulandes ta dispuesto pa yuda Kòrsou, Aruba i St. Maarten ku ayudo tékniko den kaso ku pidi pa esaki. Gobièrnu Hulandes ta enfatisá sinembargo ku ta importante ku ta habri diálogo ku organisashonnan no gubernamental pa optimalisá kolaborashon.
Mas Corsow
Lesa Mas
Cooperacion mas estrecho entre e parti Caribense di Reino y Hulanda riba tereno di enseñansa i investigacion
WILLEMSTAD - Diesocho instituto di enseñansa i konosementu di e parti karibense di Reino i Hulanda ta bai sigui strukturá i intensivá nan koperashon riba tereno di enseñansa, investigashon i siensia. Asina por ehèmpel nan kier bai desaroyá entre otro programanan di enseñansa konhuntamente. E kolaborashon speshal ta resultado di e mishon di konosementu den e área karibense bou di liderazgo di minister Dijkgraaf (Enseñansa, Kultura i Siensia). Djabièrnè último a klousurá esei na Kòrsou.
Mas Corsow
Lesa Mas
Na Corsou tin 4300 cas di famia sin suministro di awa
WILLEMSTAD - E frakshon di MFK ta hopi preokupá ku kasnan ku no tin suministro ainda di awa. P’esei nan ke un reunion públiko, kaminda ta invitá minister Ruthmilda Larmonie-Cecilia i su kolega minister Ruisandro Cijnte pa ta den sala di parlamento i asina debatí ku nan riba e tópiko aki.
Mas Corsow
Lesa Mas