Wever: Cifranan di Covid19 ta aumentando atrobe na Aruba

Wever: Cifranan di Covid19 ta aumentando atrobe na Aruba

Posted on 05/12/2022 10:19 am AST | Updated on 05/12/2022 10:20 am AST

ORANJESTAD – “Nos cifranan di COVID-19 ta aumentando. Ban sigui cuida y sigui vacuna”, prome minister Evelyn Wever a confirma diahuebs riba su pagina di Facebook. E la haci esaki den cuadro di promocion pa e unidad mobil cu ta atende cu e vacunacion, indicando cu esaki ta e siman aki na Deportivo Frans Figaroa e siman aki. E realidad ta, cu manera cu noticiacla a raporta for di siman pasa diabierna, cifranan ta aumentando atrobe, y esaki ta algo sosodiendo tur caminda. Con serio esaki ta, ainda ta mucho tempran pa bisa. 

CIFRANAN RECIEN

Segun resumen semanal di siman pasa diabierna, a registra 343 caso nobo di COVID-19 mientras cu e cantidad di casonan activo di COVID-19 tabata 203 y e average di caso pa dia tabata 49. Un siman prome, tabatin 257 caso nobo, y 37 caso average pa dia. Y dos siman prome, esaki tabata 138 caso nobo y 20 caso average pa dia. Pues por nota claramente cu e cifranan a bira double den un luna di tempo. Diabierna awor, cifranan nobo lo mustra si esaki a keda subi of si nos ta yegando un nivelacion stabil.

REGIONAL Y MUNDIAL

Regionalmente tambe ta confirma cu tur tres isla Aruba, Bonaire y COrsou ta conociendo aumentonan substancial di e virus aki atrobe. Mundialmente e situacion tambe ta birando alaramente unda cu Nort Korea a bay den su prome lockdown, y Shanghai tambe ta den un lockdown. 

 

  • Gobierno na sindicatonan: Ta haciendo lo maximo pa para recorte salarial na juli

    Gobierno na sindicatonan: Ta haciendo lo maximo pa para recorte salarial na juli

    ORANJESTAD – Den un intento pa logra para e accion di otro siman di 5 sindicato, prome minister di Aruba Evelyn Wever diahuebs atardi a manda informa e sindicatonan cu gobierno ta ”haciendo nos maximo esfuerso pa stop e recorte den di dos mita di e aña aki, manera nos a bisa semper” e mandatario a cuminsa bisa. “Nos meta ta pa entrante juli stop e recorte mensual di 5%, y pa otro aña, aña 2023, stop e recorte di 12.6% completamente” e ta sigui bisa. E sindicatonan a informa diahuebs via un pamfleta digital, cu otro siman diamars atardi nan ta tene un marcha di protesta cu ta coicidi cu yegada di e mandatario Hulandes.  

  • Miembro di ‘College voor de rechten van de mens’ tabatin audiencia virtual cu Gobernador

    Miembro di ‘College voor de rechten van de mens’ tabatin audiencia virtual cu Gobernador

    ORANJESTAD – Ex director di VNO pa Aruba y actual miembro di College voor de Rechten van de Mens desde 2017, Señora Geneviève Lieuw,  , riba diamars 17 di mei 2022 a papia cu Gobernador di Aruba, Su Excelencia Alfonso Boekhoud, via MS Teams. Durante di e combersacion aki a papia principalmente tocante e derechonan humano denter di Reino. 

  • Hunta di supervision di Lotto a pone director Tuitt riba non actief

    Hunta di supervision di Lotto a pone director Tuitt riba non actief

    ORANJESTAD – E director di Fundacion Lotto pa Deporte Robert Tuitt a wordo poni riba non-actief desde dialuna. For di fuente fidedigno, noticiacla a confirma cu for di dialuna e trahadonan tambe a wordo informa. E director no por actua y of firma na nomber di e fundacion por lo pronto. Un decision cu e hunta di supervision a tuma. E motibo exacto no ta conoci si. Pero ta un hecho cu e directiva ta esun cu a tuma e decision. 

  • Minister Wever: E cumbre tema YES ta inicia e siman aki

    Minister Wever: E cumbre tema YES ta inicia e siman aki

    ORANJESTAD - Durante un conferencia di prensa dialuna  Minister di desaroyo sostenibel, Sr. Mr. Geoffrey Wever, a anuncia cu Young Entrepreneur Summit (YES) San Nicolas ta un encuentro cu tin 2 fecha, cual e prome lo tuma luga diahuebs binidero, 19 di mei 2022 na Principal Movie Theater.

  • Gobierno no a keda cla awe cu tur detayes pa cu BTW

    Gobierno no a keda cla awe cu tur detayes pa cu BTW

    ORANJESTAD – Gobierno awe no a keda cla ainda pa determina e cantidad di tasa y e porcentahe di e impuesto indirecto cu kier introduci entrante 1 di januari 2023, cu ta e Belasting op Toegevoegde Waarde (BTW). Asina minister di finanza Xiomara Maduro a splica noticiacla diabierna atardi. Di otro banda, gobierno a tuma decision riba cierto parti aunke no a bisa cua.   Manera cu e mandatario a bisa e portal, ministerraad lo mester a tuma decision awe riba e puntonan cardinal di BTW.  “Tin decision pero detayes ta sigui otro simoan pasobra tin un informacon cu ta pending”. Y a compronde cu  e informacion cu ta pending, ta determina e decision pa sa kico ta bira e porcentahe y cuanto. 

  • Awe gobierno ta dicidi riba e.o. tarifa cu lo usa pa BTW

    Awe gobierno ta dicidi riba e.o. tarifa cu lo usa pa BTW

    ORANJESTAD – Awd diabierna, gobierno ta dicidi e.o.ki tarifa ta wordo aplica pa e impuesto indirecto cu ta keda introduci na januari 2023, esta e BTW (Belasting op Toegevoegde Waarde). Minister di finanza Xiomara Maduro a confirma cu esaki enberdad ta poni riba agenda di conseho di minister pa diabierna, pa asina tuma e decision. Posibilidadnan cu ta core, ta entre otro si ta mantene un tarifa so of ta bay pa dos diferente tarifa. Ora cu papia di dos tarifa, ta papia di entre 14% y 18%, mientras cu ora cu papia di 1 solo tarifa, esaki por bira mas sigur 12.5%. Fuera di e tema di BTW, lo trata tambe presupuesto 2023. Ta mustra cu e aña aki si, e presupuesto di pais Aruba lo keda entrega na tempo, esta pa 1 di september 2022. 

  • Powered by SETAR