Wever: Van Susteren mester dirigi prueba riba caso Holloway na autoridad competente

Wever: Van Susteren mester dirigi prueba riba caso Holloway na autoridad competente

Posted on 05/11/2022 8:57 am AST | Updated on 05/11/2022 8:58 am AST

ORANJESTAD – Berdad cu e periodista Mericano Greta van Susteren tabata den contacto cu prome minister Evelyn Wever. E prome mandatario diamars atardi a confirma esaki pa noticiacla. E contacto inicial aña pasa durante un presentacion pa un otro evento na Merca. E periodista na e occasion ey a acerca e mandatario riba e tema. A keda den contacto y e ultimo simanan esaki a bira mas fuerte. “Mi tabataden contacto cu Greta van Susteren. E la pidimi pa bai top’e na Miami pa tuma prueba nobo” e mandatario a confirma. E motibo tabata cu e (e periodista:red), tabatin prueba cu e kier a entrega. “Ami no ta autoridad cu por ricibi prueba. Si e señora tin prueba, esaki ta algo delicado. Bo mester laga autoridad competente deal cu ne sino o bo por daña e prueba tambe”, e mandataro a sigui bisa. Y conociendo su lugar den cadena di husticia, y como tal e la tuma e pasonan cu e la tuma. Tur esey e la bisa e periodista tambe, esta cu e no ta e autoridad pa tuma prueba nobo. “ Dus mi a verwijs e caso pa Minister di Husticia (Rocco Tjon:red) kende a encarga sr. Dolfi Richardson (representacion local di Interpol)  cu tambe tabatin contacto cu Greta van Susteren y cu e mama di Nathaly Holloway. Tur esaki tabata luna pasa y despues e mandatario no a tende nada mas.

  • Gobierno na sindicatonan: Ta haciendo lo maximo pa para recorte salarial na juli

    Gobierno na sindicatonan: Ta haciendo lo maximo pa para recorte salarial na juli

    ORANJESTAD – Den un intento pa logra para e accion di otro siman di 5 sindicato, prome minister di Aruba Evelyn Wever diahuebs atardi a manda informa e sindicatonan cu gobierno ta ”haciendo nos maximo esfuerso pa stop e recorte den di dos mita di e aña aki, manera nos a bisa semper” e mandatario a cuminsa bisa. “Nos meta ta pa entrante juli stop e recorte mensual di 5%, y pa otro aña, aña 2023, stop e recorte di 12.6% completamente” e ta sigui bisa. E sindicatonan a informa diahuebs via un pamfleta digital, cu otro siman diamars atardi nan ta tene un marcha di protesta cu ta coicidi cu yegada di e mandatario Hulandes.  

  • Miembro di ‘College voor de rechten van de mens’ tabatin audiencia virtual cu Gobernador

    Miembro di ‘College voor de rechten van de mens’ tabatin audiencia virtual cu Gobernador

    ORANJESTAD – Ex director di VNO pa Aruba y actual miembro di College voor de Rechten van de Mens desde 2017, Señora Geneviève Lieuw,  , riba diamars 17 di mei 2022 a papia cu Gobernador di Aruba, Su Excelencia Alfonso Boekhoud, via MS Teams. Durante di e combersacion aki a papia principalmente tocante e derechonan humano denter di Reino. 

  • Hunta di supervision di Lotto a pone director Tuitt riba non actief

    Hunta di supervision di Lotto a pone director Tuitt riba non actief

    ORANJESTAD – E director di Fundacion Lotto pa Deporte Robert Tuitt a wordo poni riba non-actief desde dialuna. For di fuente fidedigno, noticiacla a confirma cu for di dialuna e trahadonan tambe a wordo informa. E director no por actua y of firma na nomber di e fundacion por lo pronto. Un decision cu e hunta di supervision a tuma. E motibo exacto no ta conoci si. Pero ta un hecho cu e directiva ta esun cu a tuma e decision. 

  • Minister Wever: E cumbre tema YES ta inicia e siman aki

    Minister Wever: E cumbre tema YES ta inicia e siman aki

    ORANJESTAD - Durante un conferencia di prensa dialuna  Minister di desaroyo sostenibel, Sr. Mr. Geoffrey Wever, a anuncia cu Young Entrepreneur Summit (YES) San Nicolas ta un encuentro cu tin 2 fecha, cual e prome lo tuma luga diahuebs binidero, 19 di mei 2022 na Principal Movie Theater.

  • Gobierno no a keda cla awe cu tur detayes pa cu BTW

    Gobierno no a keda cla awe cu tur detayes pa cu BTW

    ORANJESTAD – Gobierno awe no a keda cla ainda pa determina e cantidad di tasa y e porcentahe di e impuesto indirecto cu kier introduci entrante 1 di januari 2023, cu ta e Belasting op Toegevoegde Waarde (BTW). Asina minister di finanza Xiomara Maduro a splica noticiacla diabierna atardi. Di otro banda, gobierno a tuma decision riba cierto parti aunke no a bisa cua.   Manera cu e mandatario a bisa e portal, ministerraad lo mester a tuma decision awe riba e puntonan cardinal di BTW.  “Tin decision pero detayes ta sigui otro simoan pasobra tin un informacon cu ta pending”. Y a compronde cu  e informacion cu ta pending, ta determina e decision pa sa kico ta bira e porcentahe y cuanto. 

  • Awe gobierno ta dicidi riba e.o. tarifa cu lo usa pa BTW

    Awe gobierno ta dicidi riba e.o. tarifa cu lo usa pa BTW

    ORANJESTAD – Awd diabierna, gobierno ta dicidi e.o.ki tarifa ta wordo aplica pa e impuesto indirecto cu ta keda introduci na januari 2023, esta e BTW (Belasting op Toegevoegde Waarde). Minister di finanza Xiomara Maduro a confirma cu esaki enberdad ta poni riba agenda di conseho di minister pa diabierna, pa asina tuma e decision. Posibilidadnan cu ta core, ta entre otro si ta mantene un tarifa so of ta bay pa dos diferente tarifa. Ora cu papia di dos tarifa, ta papia di entre 14% y 18%, mientras cu ora cu papia di 1 solo tarifa, esaki por bira mas sigur 12.5%. Fuera di e tema di BTW, lo trata tambe presupuesto 2023. Ta mustra cu e aña aki si, e presupuesto di pais Aruba lo keda entrega na tempo, esta pa 1 di september 2022. 

  • Powered by SETAR