Opendag di marinierskazerne ta cambia di localidad e aña aki

ORANJESTAD – E aña aki Marinierskazerne ta tene su popular ‘opendag’ no na nan base na Savaneta sino na Oranjestad riba tereno di waf. E motibo ta cu mayoria di e mariniernan ta ocupa cu e actividad ‘Sail Aruba’ riba e.o. e fecha ey.

CELEBRACION

Manera ta conoci dia 30 di november 2013 oficialmente Su Majestad Rey Willem-Alexander a declara 2015 como aña pa celebra e 200 aña di existencia di Reino. Aki na Aruba, Gobernador Fredis Refunjol tambe a laga forma un Comité “Viering 200 jaar Koninkrijk Aruba”.

CAMBIO DI LUGAR

Marina Real como un di e socionan activo den e comision aki a tuma e decision pa, solamente e aña aki pues, no tene e tradicional Open Dag 1 mei na Marinierskazerne Savaneta, pero esaki lo wordu teni riba e tereno di waf na Oranjestad, dunando asina su aporte na e celebracion di Sail Aruba 2015 riba dianan 1,2 y 3 di mei . “Confiando riba boso apoyo y entusiasmo, nos ta priminti pa duna Aruba bek su tradicional Open Dag 1 mei otro aña.