Parlamentonan di Aruba, Corsou y St Maarten a haya un siman mas pa entrega preguntanan riba COHO

PHILLIPSBURG – Parlamentonan di Aruba, Corsou y St Maarten mas sigur ta haya un siman extra pa entrega nan pregunta y comentarionan riba COHO na Tweede Kamer. Durante e reunion di IPKO, miembronan di e delegacion Hulandes a priminti nan coleganan parlamentario cu lo haci e esfuerso extra pa move e deadline di 13 di mei pa 20 di mei proximo pa por entrega e preguntanan. E tres parlamentonan a urgi pa e posponemento y cu nan mester di mas tempo. Esaki pasobra nan kier a inclui nan preguntanan despues di a termina e reunion di IPKO awe diabierna. Ta mustra cu e 4 gobiernonan di reino lo no por yega na otro, y e paisnan ta mas leu cu nunca di otro, pa loke ta un tipo di consensus riba e ley. Potret di facebook di Marisol Lopez Tromp.