Bo tambe por aporta na proyectonan di Cruz Cora Aruba “Roaring Twenties” fundraising event

Bo tambe por aporta na proyectonan di Cruz Cora Aruba “Roaring Twenties” fundraising event

Posted on 05/3/2022 2:46 pm AST | Updated on 05/3/2022 2:47 pm AST

ORANJESTAD- Dia 11 di juni, Cruz Cora Aruba ta haci un biahe den tempo y e biaha aki bek na aña 1920! Un epoca cu hopi evento mundial importante y yama e conocido “Roaring Twenties”. Manera ta conoci, Cruz Cora ta gusta duna esun cu atende e fiesta un experiencia unico. 

Pa e ultimo 10 aña Cruz Cora ta organiza su fiesta anual pa recauda fondo, fondonan cu ta wordo usa pa financia proyectonan social den comunidad na Aruba. Programa manera: Pan y Sopi (sopi tur siman pa comunidad den necesidad den San Nicolas); Sandwich Day (tambe 2 biaha pa siman); Biba Bida (programa pa nos adultonan mayor); Thriftshops (San Nicolas y Dakota pa yuda esun cu tin un necesidad y budget chikito); Feminine Hygiene package (tur luna ta yuda cu productonan di hygiene fememino na esnan den necesidad). Tambe fondonan ta wordo usa pa training di voluntario, material pa calamidad etc.

E anochi aki ta spera di bira uno hopi ameno y tremendo ambiente. Blue Boulevard lo entretene cu tremendo musica. Romar Trading  lo zorg pa un experiencia unico na tur su gusta un bon biña pero tambe lo setup un bar di Johnnie Walker cocktails. L’Oreal tambe lo tey cu un sorpresa!  Hodgson Trading lo presenta e excelente biña di cas Wapisa! Wapisa ta conoci pa ta un cas revolucionario situa na e costa di Patagonia.

Y despues di tabata un “Hit” na e evento di algun aña pasa, a invita Palmera Quality Products un biaha como sponsor na Aruba Surfside Marina dia 11 di juni. Nan ta preparando riba e “Welcome drink” special pa e anochi aki.

Cruz Cora Aruba ta ful swing den preparacion pa e gran dia aki y tin ticket na benta na oficina na Dakota y San Nicolas. Por pasa den siman entre 9am-2pm of por reserve ticket na [email protected]

  • Kiwanis Club of Palm Beach a celebra su reunion anual!

    Kiwanis Club of Palm Beach a celebra su reunion anual!

    PALM BEACH   – Kiwanis Club of Palm Beach a celebra su reunion anual den un atmosfera den cual e hermandad fuerte den e club a refleha un biaha mas. Tradicionalmente y cumpliendo cu e statutonan di Kiwanis International y di e club mes, e agenda a consisti di dos punto: 1) Presentacion y aprobacion di e proceso di revision di e cuentanan anual di añanan 2019-2020 y 2020-2021 y 2) Aprobacion di e team cu a wordo nomina pa conforma e directiva pa e aña Kiwanistico 2022-2023 y cu lo wordo instala na Oktober proximo. 

  • Aruba Lions Club a instala 4 miembro nobo pa su club

    Aruba Lions Club a instala 4 miembro nobo pa su club

    ORANJESTAD - Recientemente durante bishita di Governor Jim Campbell di Districto 35N, cual Aruba Lions Club ta pertenece na dje, a tuma lugar installation di 4 miembro nobo. Durante un anochi masha ameno, den presencia di President Magaly Franken, board actual y varios miembro di Club, Governor Campbell, representando Lions International a huramenta Sra. Lizbeth Roberts, Sr. Eugene Roberts, Sra. Ingrid Kock y Sra. Mirla Koolman como Lions. Lions ta pidi tambe comunidad keda pendiente pa varios actividad cu Aruba Lions Club ta bai tin en coneccion cu celebracion di 75 aña sirbiendo comunidad di Aruba.

  • Women’s Club a tene su AIDS Candlelight Memorial

    Women’s Club a tene su AIDS Candlelight Memorial

    ORANJESTAD - E vigilia internacional na memoria di victimanan di AIDS of e ‘International AIDS Candlelight Memorial’ ta un dia cu nos ta conmemora tur e victimanan di HIV/AIDS. Ta tene esaki tur aña riba e di tres diadomingo di luna di mei, door di realisa un vigilia cu ta conta cu un participacion extenso riba nivel mundial.

  • Conocido ciudadano Frans Croes a cumpli 104 aña awe! Pabien!

    Conocido ciudadano Frans Croes a cumpli 104 aña awe! Pabien!

    ORANJESTAD – Awe un di Aruba su ciudadanonan di mas bieu a cumpli aña. E conocido comerciante Frans Croes, a cumpli e bunita edad respeta di 104 aña. Y loke ta hacie mas special ainda ta cu e ta bon bij, y ta hunga carta y ajedrez casi tur dia. Frans Croes ta tata di entre otro e conocida docente di musica Maybelline Arends Croes y Sandra Croes, hopi conoci den mundo di deporte. Hopi conoce Frans porta como e propietario di e conocido agencia di productonan di beyesa Fa Croes NV. 

  • Quota Aruba a reparti suma grandi entre 13 fundacion, organisacion y instancia

    Quota Aruba a reparti suma grandi entre 13 fundacion, organisacion y instancia

    ORANJESTAD - Dia 26 di April ultimo Quota International of Aruba a tene su anochi di Donacion.

  • Celebra cu famia Aña di Rey 2022 na Convento di Imeldahof

    Celebra cu famia Aña di Rey 2022 na Convento di Imeldahof

    NOORD - Pueblo di Aruba ta invita pa  celebra Aña di Rey na Convento di Imeldahof na Noord, di 10’or di mainta pa 2’or di merdia.  Ta brinda un evento cu hopi actividad tradicional, recreativo y educativo pa grandi y chikito y tin co'i come y bebe pa pasa un dushi dia den ambiente familiar.

  • Powered by SETAR