Mortonan ta sigui cay na e franha di Gaza

GAZA – Por lo menos 4 hende a muri y 60 a keda herica door di un atake aereo Israeli riba un hospital na Gaza, segun palestinonan a laga sa dialuna. Testigonan a mira un bala di un tanki isreali alcansa e di tres piso di e hospital, unda cu e seccion di cuido intensivo ta situa. E cantidad di morto palestino di e conflicto di dos siman, a surpasa 500, di cual mayoria ta civil. Israel ta sigura cu nan a mata por lo menos 170 militante, desde cu nan a lansa e ofensivo ultimo diahuebs anochi. Entrentanto 20 israeli, 18 di nan soldat-, a muri segun Israel a bisa.

Mientrastanto minister di relacionan exterior mericano John Kerry ta yegando Cairo pa hiba combersacionnan cu mester desemboca den un paro di fuego. Nacionan Uni su comision di seguridad a ordena un paro di fuego inmediato, pero no por a sostene un resolucion fuerte, cu lo mester a conta cu sosten di e estadonan arabe.