ATA ta lansa campaña pa yuda paga ekipahe di turista cu biaha pa Aruba

ORANJESTAD – Aruba a lansa un programa pa yuda paga pa ekipahe di e turistanan. Pa periodo di un luna, biaheronan Mericano por presenta nan itinerario, confirmacion di buelo y por ricibi un carchi di visa di 60$ pa cubri e gasto di nan maleta cu nan ta biaha cune. E turista por haci uso di e oportunidad aki entre awe te fin di luna di mei, pero por usa e carchi special te fin di December di e aña aki. E motibo di e ayudo aki, ta debi na gastonan halto di biahe. Pa esnan cu ta interesa, nan por subi e website di ATA, y dirigi pa e part di maleta.