Attje Kuiken a bira e lider di fraccion nobo di partido hulandes PvdA

DEN HAAG - Attje Kuiken a bira e lider di fraccion nobo pa partido politico hulandes PvdA. Awe marduga e fraccion a scohe Kuiken riba e otro candidato Henk Nijboer. E ultimo aki a bisa cu e ta sostene Kuiken y ta desee tur cos bon y tin tur confiansa den dje. Kuiken ta reemplasa Lilianne Ploumen cu siman pasa di forma sorpresivo a retira. Despues di a keda eligi, Kuiken a sigura cu e kier combati inegualdad. Potret ANP