Cobertura Eleccion Bonaire 2015 ta continua

KRALENDIJK - E cobertura di eleccion pa conseho insular di Bonaire ta continua. Varios lider politico ya a deposita nan voto caba pa e eleccion, mientras cu otronan ainda tabata falta. E cantidad di votadornan despues di merdia tambe a aumenta poco poco. E urnanan ta sera mas laat anochi pa despues e conteo mes cuminsa. Fotonan di e cobertura ta pa cortesia di Aimed Ayubi di Radio Live FM Boneiru.

ELECCION

Mas di 12.000 persona na Bonaire ta vota awe pa eleccionnan pa eilandsraad di e isla di flamingo. Un total di 7 partido ta participa na e eleccion aki, pa eligi un total di 9 miembro di eilandsraad, y tin 10 urna pa haci esaki. For di 7’or di mainta e urnanan a habri, y ta keda habri te 9’or di awe nochi. Gezaghebber Rijna a confirma cu for di 5:30am a cuminsa e dia cu control di buzonnan y a percura pa tur cos cana bon. E campaña principal tin di haber cu e futuro relacion cu e isla kier y lo tin cu Hulanda. E tres partidonan cu tin mas chens, ta UPB, MPB y Democraat. De inwoners van Bonaire gaan vandaag naar de stembureaus.

PARTIDONAN

E partidonan participante ta Union Patriotico Boneriano, 2. Partido Demokratiko Boneriano, 3. Pro Hustisia y Union (PHU), 4. Aliansa Kristian Boneriano AKP, 5. Movemento Pueblo Boneriano (MPB), 6. Tim Magno, y 7. Lista Soleana.

POLITICONAN GRANDI

Dos politico grandi di Bonaire, Ramoncito Booi y Jopie Abraham pa prome biaha no ta aparece riba lista di nan respectivo partido, pero si tin nan representantenan cu lo participa. Pa Booi, e ta sigura cu e lo sostene e lider James Kroon te na final awe y despues ora cu e lider mester mas, e lo haye tambe. Den caso di Abraham, e tin su yiu homber Clark cu ta lidera e partido, y tin tur siguransa cu e lo sa di hiba e partido na su victoria.