Biaha pa Hulanda por bira mas caro debi na aumento di tarifa di Schiphol

DEN HAAG – Por spera aumento di prijs di pasashi pa y for di Hulanda proximamente. Esaki despues cu Schiphol a haya ok pa aumenta nan tarifa di operacion for di De Autoriteit Consument & Markt (ACM). Un grupo di por lo menos 10 aeroliña a bringa e aumento, pero ACM no a duna nan oido y a declara e keho no admisibel. Schiphol a aumenta tarifa e luna aki, pa asina bringa e perdida di e ultimo dos añanan debi na pandemia. E grupo di aeroliña a bringa e aumento di 37% den tres aña tempo y ta yama esaki no rasonabel.  Esaki, debi cu nan tambe a sufri durante corona y ainda ta den cora. KLM awor ta bay purba via corte pa revoca e aumento aki. Si no logra, e ora tin cu bay cobra e biahero e aumento aki, cu ta traduci den prijs mas halto pa pasashi.  No ta conoci cuanto mas halto e pasashi lo bay costa.