Van Huffelen kier tin solucion pa recorte salarial di 12.6% pa juni proximo

THE HAGUE - Pa e zomer (mitar di juni) aki mester tin solucion pa e recorte di salario di 12.6%. Asina e secretario di estado hulandes Alexandra van Huffelen a bisa diamars durante un reunion cu Eerste Kamer. E mandatario a bisa di ta prepara pa discuti e recorte cu gobierno. E mandatario a admiti tambe cu RMR kier wanta e recorte pa awor, pero ta dispuesto pa wak otro posibilidad pa reemplasa esaki. Van Huffelen a bisa cu e lo atende esak durante su bishita otro luna ora cu e mandatario bishita Aruba un biaha mas. Y ta na e ocasion e la bisa cu lo haya un solucion prome cu e zomer aki yega. Segun ‘schedule’, e prome dia di ‘zomer’ ta dia 21 di juni di e aña aki, pues algo prome cu esey, por spera resultado.