Conocido personahe Robby Schouten ta den Noticiacla LIVE awe nochi

ORANJESTAD – E conocido personahe, productor, escritor y periodista Robby Schouten ta invitado den Noticiacla LIVE awe nochi 9’or riba tur Plataforma di noticiacla. Durante e programa aki, Schouten lo papia entre otro riba su bida, su comienso na tanto Telecuracao como Telearuba, con a bin riba e nomber ‘Leu foi Cas, su programa porta mas popular cu e tin, su momentonan tragico ora cu e la perde su pareha apenas 1 siman prome cu e casa, esta stewardess Margaret Abraham ora cu e avion di ALM a cay na 1970, su forma di deal cu Covid19 y con dificil esaki tabata, su buki Entre 2 Continente cu e la caba publica, y tambe e produccion grandi cu e ta preparando pa e artista Tony Sherman na occasion di su 60 añanan di farandula. Un programa largo, yena cu informacion, inspiracion y anecdota interesante cu ta laga bo conoce mas di e popular persona conoci pa e.o. Leu foi Cas y mucho mas. E programa lo pasa riba pagina di Facebook, website y app di noticiacla.