CDC porfin a baha Aruba di nivel 4 pa biahamento

WASHINGTON – Un siman despues cu nan a ‘priminti’ di baha e nivel di biahe pa Aruba y otro islanan den Caribe di 4 pa 3, dialuna Center For Disease Control and Prevention (CDC) a haci e cambio realmente. Esaki kier men cu Aruba ta baha di e nivel di mas halto di alerta contra biahe relaciona cu Covid19 y ta riba nivel 3 aworaki. Esey tambe ta halto, pero no ta stroba Mericanonan di biaha p.e., den grupo di incentivo, cu ta un mercado grandi pa Aruba. Ademas, cierto hotelnan na Aruba awor por ricibi mas huesped cu pa e alerta halto, no por a biaha. 

UN SIMANTabata un siman pasa cu minister di turismo Dangui Oduber a anuncia cu CDC lo a cambia e nivel e siguiente dialuna caba, pero esaki no a sosode. Ora cu a bay averigua, a resulta cu CDC a haci un fayo, pa cual nan a pidi nan disculpa, y a priminti cu e siguiente siman (awe) esey lo a sosode.