Oduber: CDC a pidi Aruba dispensa pa no a cambia e nivel di biahe

Oduber: CDC a pidi Aruba dispensa pa no a cambia e nivel di biahe

Posted on 04/14/2022 9:44 am AST | Updated on 04/14/2022 9:45 am AST

ORANJESTAD – Center For Disease Control and Prevention (CDC) a pidi Aruba dispensa pa no cambia e alerta di biahe. Asina minister di turismo Dangui Oduber a bisa noticiacla diaranson anochi. “ Nos a wordo informa pa CDC cu pa motibo di “unforseen circumstances” e update di CDC pa cu Aruba no a continua dialuna 11 april 2022” e mandatario a bisa. Esaki  despues cu e mandatario diabierna siman ainda a anuncia cu CDC lo a cambia e nivel di biahe dialuna ultimo. Pero dialuna esaki no a sosode, manera cu noticiacla a raporta anteriormente. Ora cu noticiacla a acerca e mandatario despues, e la bisa cu e no tabata compronde pakico e cambio no a sosode. Mientrastanto, e mandatario a haya su contesta:” “ Nan a apologize pa no a comunica mas na tempo cu nos” Oduber a bisa e portal aki. “E level lo wordo adapta entrante dialuna 18 april 2022” e la sigura e portal aki e ora.

EFECTO DI E ALERTA

Manera ta conoci, for di comienso di e aña aki, na januari caba CDC a adapta e nivel di 3 pa 4, cu ta e nivel mas halto contra biahamento pa Mericano pa un destinacion. E nivel ta pone cu ta desconseha mericanonan di biaha pa un cierto destinacion, y esaki ta pone cu companianan no ta sigura e biahenan e ora tampoco. Y esaki tabata relaciona exclusivamente pa e cifranan halto di caso positivo di Covid19 ora cu na cambio di aña, Aruba a conoce un aumento explosivo di casonan, pasando 1000 caso pa dia pa algun dia, den e di 4 ola. Mientrastanto e casonan positivo a baha drasticamente ya for di februari y awor nos ta na 84 caso positivo total, segun ultimo raportahe siman pasa diabierna. Ultimo biaha cu Aruba a keda afecta tabata aña pasa mes ora cu na augustus 2021 nos a conoce otro aumento explosive di casonan. Tabata te na fin di November di e aña ey cu CDC a baha e nivel pa 3 bek. 

Hotelnan na Aruba ta afecta cu e nivel 4, ya cu e ta strobe e isla di ricibi e turismo ‘special’, conoci como MICE, esta di biahenan incentivo cu ta genera basta placa. Tambe tin algun hotel cu debi na e nivel halto, no por ricibi cierto turistanan pa motibo di nan standard halto di calidad. 

  • Minister na Merca ta lobby cu banconan pa fia 160 miyon dollar

    Minister na Merca ta lobby cu banconan pa fia 160 miyon dollar

    WASHINGTON – Minister di finanza di Aruba Xiomara Maduro a cuminsa lobby cu varios banco Mericano e siman aki, pa logra haya un fiansa di 160 miyon dollar. E mandatario a confirma cu e ta na Merca pa ‘atende e IMF Spring Meetings na Washington DC’, unda cu e ta ‘probecha pa reuni cu diferente banco pa por haci e preparacionnan necesario pa Aruba por subi mercado internacional pa por cubri e necesidad financiero di Aruba’. Algun di e banconan cu e mandatario a lobby cu ne pa purba haya fianza, ta  JP Morgan, Standard Charter, Citi Group y Santander. Durante e lobbymento, e tin cu convence e institutonan financiero di tur loke ta pasa na Aruba y pa prueba cu Aruba tin un ‘stabilidad financiero cu ta brinda e confiansa na inversionista’. Segun e mandatario, e ta un suma cu ta wordo ‘refinancia’ di e debenan internacional existente cu ta madura. ‘ Como ta refinancia, esaki no lo crece e debe di Pais Aruba’, e mandatario a sigura bisando. 

  • Wever: Fin di di dos cuartaal 2024, centro di Oranjestad ta haya mas luz

    Wever: Fin di di dos cuartaal 2024, centro di Oranjestad ta haya mas luz

    ORANJESTAD - Despues di e instalacion inicial di 50 luz aña pasa, ta intensifica e esfuerso pa mehora e visibilidad y seguridad den nos centro di ciudad cu instalacion di 100 palo di luz adicional nobo den nos centro di ciudad. E proyecto aki ta parti di e strategia holistico di revitalisacion di Oranjestad pa crea un ambiente mas sigur y atractivo pa tur su habitantenan, bishitantenan y empresarionan.

  • Minister Glenbert Croes a sobrevivi un mocion di desconfiansa

    Minister Glenbert Croes a sobrevivi un mocion di desconfiansa

    ORANJESTAD – Cu 12 voto contra, y 8 pro y uno abstene, Parlamento a vota contra e mocion di desconfiansa contra e minister encarga cu inmigracion, Glenbert Croes. E mocion tabata entrega pa partido MAS y AVP Partido politico MAS pa medio di su lider Marisol Tromp, sostene pa partido AVP diamars mainta a entrega un mocion di desconfiansa contra e minister responsabel pa imigracion, esta Glenbert Croes durante e reunion den Parlamento pa trata e tema en cuestion. Base di e mocion, ta e falta di maneho di e mandatario pa cu e cartera aki (indeficiente), y e la repasa un cantidad di deficiencia.

  • Partido MAS a entrega mocion di desconfiansa contra minster Glenbert Croes

    Partido MAS a entrega mocion di desconfiansa contra minster Glenbert Croes

    ORANJESTAD – Partido politico MAS pa medio di su lider Marisol Tromp, sostene pa partido AVP diamars mainta a entrega un mocion di desconfiansa contra e minister responsabel pa imigracion, esta Glenbert Croes durante e reunion den Parlamento pa trata e tema en cuestion. Base di e mocion, ta e falta di maneho di e mandatario pa cu e cartera aki (indeficiente), y e la repasa un cantidad di deficiencia.

  • Mas di 2 mil habitante di Aruba, Corsou y St Maarten por vota den eleccion parlamentario Europeo

    Mas di 2 mil habitante di Aruba, Corsou y St Maarten por vota den eleccion parlamentario Europeo

    DEN HAAG/ORANJESTAD - Personanan ku nashonalidat hulandes na Aruba, Kòrsou i Sint Maarten ku dia 6 di yüni tin 18 aña òf mas por vota pa elekshon di Parlamento Oropeo di 2024. Pa hasi esaki e mester registrá su mes komo votadó na e munisipio di Den Haag, no mas tardá ku djaweps 25 di aprel 2024. Por registrá fásilmente ònlain. Riba e wèpsait www.stemmenvanuithetbuitenland.nl por haña mas informashon i e formulario di registrashon. 

  • Diamars minister tin cu duna cuenta na Parlamento riba imigracion

    Diamars minister tin cu duna cuenta na Parlamento riba imigracion

    ORANJESTAD – Diamars awor minister Glenbert Croes mester duna cuenta na Parlamento riba e asunto di imigracion na Aruba. E reunion ta solicita riba peticion di parlamentario Marisol Tromp cu a haci e peticion for di februari 2025. “Porfin Minister a haña un buraco den su agenda cu yen di biahe pe bin di transito Parlamento Di Aruba pe reunion publico publico” Tromp a reaccion bisando. “Ya ta 1 aña y 2 luna pasa cu nos a pidi pa Minister Glenbert Croes bin Parlamento tocante su  maneho ineficiente, intransparente y frustrante riba immigracion aki na Aruba. Nos a pidi pa un reunion publico, fei 15 di Februari 2023” Tromp a sigui bisa. 

  • Zulo
  • Varadero
  • Postobon
  • Powered by SETAR